Dil bande janabe
Noha Lyrics & Urdu Writeup on General recited by Mirza Sikander Ali
دل بندِ جنابِ زہرا اس دیس میں گر آ جاتا
گھر گھر میں اماں مل جاتی ہر دل میں جگہ پا جاتا
بازاروں میں یوں زینب کو سر ننگے نہ لایا جاتا
مہمل میں بٹھایا جاتا پردے میں اُتارا جاتا
دلبندِ جنابِ ۔۔۔
ارمان دلِ لیلیٰ کے یوں خاک میں کیوں مل جاتے
اٹھارہ برس والے کو پروان چڑھایا جاتا
دلبندِ جنابِ ۔۔۔
شبیر اگر اصغر کو اس نگری میں لائے ہوتے
قرآن کی لوری دے کر جھولے میں سُلایا جاتا
دلبندِ جنابِ ۔۔۔
اس پیاسے ہی شش ماہے کو ہم تیر نہ لگنے دیتے
سینے سے لگائے رکھتے ہر طرح بچایا جاتا
دلبندِ جنابِ ۔۔۔
پانی بھی فراہم ہوتا اور دودھ بھی حاضر کرتے
بیگانے ستم سے اصغر یوں پیاسانہ مارا جاتا
دلبندِ جنابِ ۔۔۔
دولہا جو بنایا جاتا اس گائوں میں اپنا قاسم
کبریٰ کے لیے اک حجرا پھولوں سے سجایا جاتا
دلبندِ جنابِ ۔۔۔
کچھ اور ہی عالم ہوتاعباس یہاں گر ہوتے
دریا پہ نہ ٹوکا جاتا پانی سے نہ روکا جاتا
دلبندِ جنابِ ۔۔۔
مرزا یہی دل میں اپنے رہ رہ کے خیال آتا ہے
اس ملک میں تم پر مولا یوں ظلم نہ توڑا جاتا
دلبندِ جنابِ ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.