Bunyade lailaah

بنیادِ لاالٰہ وجودِ اذانِ حُسین قد قامت الصلٰوۃ کے روحِ روانِ حُسین

میرے رسولِ پاک ہیں قرآن کی طرح شیرِ خُدا کی ذات ہے جُزدان کی طرح اور سیدہ ہیں سورئہ رحمن کی طرح صُلح حسن ہے امن کے میدان کی طرح روحِ کلامِ پاک کے ہیں درمیاں حُسین بنیادِ لا اِلٰہٰ ۔۔۔

مولا علی جہاں بھی ہیں حق ساتھ ساتھ ہے قرآن کی بندشوں میں ورق ساتھ ساتھ ہے اور آسمان پہ جیسے شفق ساتھ ساتھ ہے کلمہ ہے اور دین کا سبق ساتھ ساتھ ہے اسلام جس جگہ ہے سمجھ لو وہاں حُسین بنیادِ لا اِلٰہٰ ۔۔۔

بدنام و بے نشان لشکر یزید کا دوزخ کی آگ بن گئی بستر یزید کا رُسوائی بن گئی ہے مقدر یزید کا کوئی محل ہے گھر نہ کوئی در یزید کا جنت سے بڑھ گیا ہے تیرا آستاں حُسین بنیادِ لا اِلٰہٰ ۔۔۔

مشکل کے وقت آتا ہے خیبر شکن کا نام ڈھارس ہے میرے قلب کی شاہِ ذمن کا نام جیسے اذان میں اکبر ِ گُل پیرہن کا نام محشر کے دل پہ نقش ہے یوں پنجتن کا نام یہ دل بنا ہوا ہے تیرا گُلستاں حُسین بنیادِ لا اِلٰہٰ ۔۔۔