Ay fatahe karbobala

Noha Lyrics & Urdu Writeup on General recited by Hadi Ali Khan Muslim

Munasibat: GeneralReciter: Hadi Ali Khan MuslimPoet: Ali Jaweed Maqsood

اے فاتح کربوبلا

اے ورثہ دار انبیاء اے مالک ملک خدا اے شافع ملک جزاء ممنون ہے کعبہ تیرا جنت تیری کوثر تیرا اے فاتح کربوبلا۔۔۔

تو شان ہے قرآن کی تو جان ہے ایمان کی تو نے خدا کے دین پر قربان اپنی جان کی ممنون ہے یزداں تیرا اے فاتح کربوبلا۔۔۔

تو نے سہے کتنے ستم بیٹوں کا غم بھای کا غم ٹکرا کے تجھ سے تھک گےء ظلم و ستم رنج و الم ہم تیری ہمت کے فدا اے فاتح کربوبلا۔۔۔

یہ مسجدیں یہ آستاں تیری بلندی کے نشاں دنیا میں باقی رہ گیء اکبر کے صدقے میں اذاں کعبہ بنا روضہ تیرا اے فاتح کربوبلا۔۔۔

لازم ہے یہ ماتم تیرا وجہ بقا ہے غم تیرا زندہ اسی ماتم سے ہے دین نبی دین خدا یہ غم ہے زہرا کی دعا اے فاتح کربوبلا۔۔۔

تھرا رہے تھے انبیاء تو نے جو ہاتھوں پر لیا خیبر کے در سے بھی گراں لاشہ جواں فرزند کا گریہ کناں تھے مرتظی اے فاتح کربوبلا۔۔۔

غرض و سماں میں گونجتی آواز ھل من ہے ابھی آ جاے نصرت کو تیری حر کی طرح گر ہو کوئی اب بھی ہے در تیرا کھلا اے فاتح کربوبلا۔۔۔

بھای وہ تیرا با وفا وہ نایاب شیر خدا ساحل پہ قبضہ کر کے بھی تیری قسم پیاسا رہا دریا تڑپ کر رہ گیا اے فاتح کربوبلا۔۔۔

ماتم ہے یہ عباس کا پیاسوں کی ان مٹ پیاس کا اہلِ حرم کی بیکسی اور درد کے احساس کا قرباں ہوی جس پر وفا اے فاتح کربوبلا۔۔۔

پیاسا علی اصغر تیرا وہ پھول سا سوکھا گلا جس کو سوال آب پر تیر ستم مارا گیا تو نے یہ غم بھی سہہ لیا اے فاتح کربوبلا۔۔۔

وہ ریگ گرم کربلا دست ستم تیغِ جفا کس ظلم سے کاٹا گیا مولا تیرا پیاسا گلا سر تیرا نیزے پر چڑھا اے فاتح کربوبلا۔۔۔

وہ قتل کا تیرے سماں مقتل میں زہرا کی فغاں اس ظلم پر روتی زمیں آنسوں بہاتا آسماں زینب کی وہ آہ و بکا اے فاتح کربوبلا۔۔۔

کنبہ نہیں ہے گھر نہیں جلتی ہُوئی تپتی زمیں دل میں غم و رنج و الم اور شکر خالق میں جبیں سجدے میں ہے زین العباء اے فاتح کربوبلا۔۔۔

بیکس اسیروں کا سفر نیزوں پہ مظلوموں کے سر شہزادیوں کے سر کھلے محوِ تماشا اہلِ شر وہ تازیانے اور جفا اے فاتح کربوبلا۔۔۔

اہلِ ستم سب تھک گےء اشکوں پہ کب پہرے لگے ہر دور میں یہ غم تیرا اہلِ وفا کرتے رہے ماتم تیرا کب رک سکا اے فاتح کربوبلا۔۔۔

وہ تیرے نازوں کی پلی بیٹی تیری پیاسی رہی سہ کر ہر اک ظلم و ستم زنداں میں آخر مر گیء بیٹا تیرا قیدی بنا اے فاتح کربوبلا۔۔۔

کس دل میں تیرا غم نہیں کس گھر میں یہ ماتم نہیں آقا تیرے غم کی قسم یہ غم نہیں تو ہم‌ نہیں ہے زندگی تیری عزا اے فاتح کربوبلا۔۔۔

بیمار کا زخمی بدن دلہن کے بازو میں رسن کلثوم و زینب بے ردا اور تیرا لاشہ بیکفن محشر نہ کیوں برپا ہوا اے فاتح کربوبلا۔۔۔

میداں سے زینب کے پسر آےلہو میں ڈوب کر خیمے میں لاشیں ہیں رکھے سجدے میں ہے زینب کا سر حیراں کھڑے ہیں انبیاء اے فاتح کربوبلا۔۔۔

ارمان مادر کے مٹے پامال قاسم ہو گےء نوشاہ کا لاشہ تھا یہ ٹکڑے دل شبر کے تھے کیا حال کبرا کا ہوا اے فاتح کربوبلا۔۔۔

ہم درد کی تفسیر ہے غم کی تیرے تصویر ہے دنیا یہ کہتی ہے ہمیں پروانہء شبیر ہے ہم ہیں دعاے فاطمہ اے فاتح کربوبلا۔۔۔

ارمان ہے یہ دلگیر کا شبیر کی ہمشیر کا جاوید یہ جینا بھی ہے صدقہ غمِ شبیر کا دیتے رہو بس یہ صدا اے فاتح کربوبلا۔۔۔

Want these lyrics offline?

Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.

Android App iOS App

Connect with us:Instagram·WhatsApp·Email

Explore More

More by this ReciterHadi Ali Khan Muslim

More on this MunasibatGeneral

Ay fatahe karbobala — Noha Lyrics & Urdu Writeup on General recited by Hadi Ali Khan Muslim | Bayaaz