Wafa ke shehr
Noha Lyrics & Urdu Writeup on Hazrat Abbas (a.s) recited by Tableegh e Imamia
وفا کے شہر کے مہمان حضرتِ عباس
حُسینی فوج کے سالار حضرتِ عباس
حفاظتِ حرمِ سبطِ مصطفیٰ کے لیئے
تمام شب رہے بیدار حضرتِ عباس
وفا کے شہر۔۔۔
نظر میں پھر گیا نقشہ چچا بھتیجی کا
علم ہوا جو نمودار حضرتِ عباس
وفا کے شہر۔۔۔
کمر کو تھامے ہوئے کہتے جاتے ہیں شبیر
کہاں ہے میرا علمدار حضرتِ عباس
وفا کے شہر۔۔۔
کبھی نہ مانگوں گی پانی خدارا آ جائو
سکینہ کرتی ہے اقرار حضرتِ عباس
وفا کے شہر۔۔۔
تمہاری بالی سکینہ ہے سخت مشکل میں
جفا سے نیلے ہیں رُخسار حضرتِ عباس
وفا کے شہر۔۔۔
ردائیں چھینتے ہیں سر سے اعدا رانڈوں کی
نہیں ہے کوئی طرفدار حضرتِ عباس
وفا کے شہر۔۔۔
گلا بندھا ہے رسن سے سکینہ پیاری کا
ہے سانس لینا بھی دشوار حضرتِ عباس
وفا کے شہر۔۔۔۔
یہ نوحہ وردِ زباں تھا انیس سرور کے
کہاں ہو میرے وفادار حضرتِ عباس
وفا کے شہر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.