Mere ghazi kahan
Noha Lyrics & Urdu Writeup on Hazrat Abbas (a.s) recited by Shahid Baltistani
میرے غازی کہاں ہو
تیری جاگیر سے چل پڑا قافلہ
اے میرے باوفا ہے بہن بے ردا
میرے غازی کہاں۔۔۔
تجھ کو دیکھے بِنا چین آتا نہیں
نوکِ نیزہ پہ سر تیرا ملتا نہیں
میں زیارت کروں کس طرح یہ بتا
میرے غازی کہاں۔۔۔
لاج رکھ لو بہن کی برادر میرے
خاکِ مقتل میرے سر کا پردہ بنے
حکم دے دو ذرا منتظر ہے ہوا
میرے غازی کہاں۔۔۔
تیرے بازو مجھے راستے میں ملے
میں نے چادر سمجھ کر وہ سر پر رکھے
بازوؤں سے تیرا پوچھتی ہوں پتہ
میرے غازی کہاں۔۔۔
دیکھ کر بہن کو دشت میں ننگے سر
کیا حیا آ گئی چھُپ گئے ہو کدھر
خود چلی آوں گی تم بتا دو ذرا
میرے غازی کہاں۔۔۔
میں نے بچپن میں لوری سُنائی تھی تجھے
میں نے چلنا سیکھایا تھا بھائی تجھے
راہِ پُر خار پر مجھ کو چلنا سیکھا
میرے غازی کہاں۔۔۔
وہ تیری لاڈلی وہ سکینہ تیری
چلتے ناقے سے جب خاک پر گِر گئی
دیکھتی رِہ گئی وہ سُوئے علقمہ
میرے غازی کہاں۔۔۔
جو بنے مرتضیٰ میں وہ احساس ہوں
بے ردا بیبیوں کی میں آس ہوں
تم میری آس تھے اے میرے باوفا
میرے غازی کہاں۔۔۔
وارثِ انبیاء کی میں ہمشیر ہوں
عینِ حیدر ہوں قرآن کی تفسیر ہوں
کوئی یاور نہیں کس کو دوں میں صدا
میرے غازی کہاں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.