Maula abbas

ہے سایہ فگن دو عالم پر سقاے سکینہ تیرا الم تو شیر خدا کا ثانی ہے رکھا ہے وفا کا تونے بھرم ہے ساتھ الم ہر گام تیرا ہے عقدہ کشائی کام تیرا ہے ذکر وفا انعام تیرا عباس علی ہے نام تیرا عباس عباس عباس

جس پہ کرم ہے تیرا ہے اس سے راضی خدا مولا عباس مولا عباس

باب الحوایج تیرا لقب ہے زندہ وفا بھی تیرے سبب ہے تیرے الم کا فیض ہے جاری سنتا ہے تو فریاد ہماری ہے جو لہو میں وفا یہ بھی ہے تیری عطا مولا عباس۔۔۔ جس پہ کرم ہے۔۔۔

تیرا الم ہر غم کی دوا ہے تیری طرف ہر دست دعا ہے تیرے وسیلے پر جو یقیں ہے کی دعا رد ہوتی نہیں ہے رب سے کہوں بھی تو کیا جو مانگا تو نے دیا مولا عباس۔۔۔ جس پہ کرم ہے۔۔۔

میں نے زمانے کو یہ بتایا ہے یہ سقی رب کا ہم سایہ سارے جہاں کو پالنے والا رب کے خزانے کا رکھوالا بن مانگے سن لے دعا ایسا سقی ہے میرا مولا عباس۔۔۔ جس پہ کرم ہے۔۔۔

اے میرے غازی ہم ہیں سوالی بھر دے ہماری جھولیاں خالی تیری کنیزوں نے ہے پکارا دے دے علی اصغر کا صدقہ تیرے تو در سے کبھی خالی نہ کوئی گیا مولا عباس۔۔۔ جس پہ کرم ہے۔۔۔

تیرا کرم بے دست ہے ایسا کون بھلا تنگ دست رہے گا کاسہ ء جو ہر وقت اٹھا کر در پہ کھڑے ہیں تیرے گداگر مولا علی کی طرح ہے تو بھی مشکل کشا مولا عباس۔۔۔ جس پہ کرم ہے۔۔۔

ہم ہیں فقیر اور تو ہے شہنشاہ ہم ہیں مریض اور تو ہے مسیحا ساتھ جو تیرا پیار ہو مولا کوئی کہاں بیمار ہو مولا تیرا کرم وہ دوا ٹالے جو سر سے قضا مولا عباس۔۔۔ جس پہ کرم ہے۔۔۔

تیرے مصائب بھولے کہاں ہم آتی ہے جب بھی آٹھ محرم روتے ہیں پرچم تیرے سجا کر بچوں کو اپنے سقہ بنا کر کرتے ہیں ماتم بپا یہ کہہ کے اہل عزا مولا عباس۔۔۔ جس پہ کرم ہے۔۔۔

کیسا تھا درد بھرا وہ منظر شہ نے کہا زینب سے یہ روکر دیکھو زرا یہ حلقہء ماتم تشنہ دہن اور غازی کا پرچم کرتے ہیں پیاسے سبھی یہ کہہ کے ماتم بپا مولا عباس۔۔۔ جس پہ کرم ہے۔۔۔

تیرے غلام عرفان اور مظہر تیری وفا سے دل ہے منور اک امانت تیرا الم ہے ہم پر جب یہ دست کرم ہے جاری رہے گا صدا یہ کاروان عزا مولا عباس۔۔۔ جس پہ کرم ہے۔۔۔