Mar gaya zainab mera
Noha Lyrics & Urdu Writeup on Hazrat Abbas (a.s) recited by Mir Hasan Mir
لاشہ عباس پہ پہنچے جو غریب زہرا
بھائی کی لاش پہ اک بھائی نے نوحہ یہ کیا
مر گیا زینب میرا شیر جواں
لاشہ علمدار پہ شہ نے کہا
مر گیا زینب میرا شیر جواں
مجھ سے جدا ہو گیا بھائی میرا
مر گیا زینب میرا شیر جواں
چھوڑ دو اکبر میرا بازو ذرا
کرنے دو ماتم ہمیں عباس کا
ہوگئے بازو قلم
شیر جواں مر گیا
اب نہیں جینے کے ہم
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
دشت میں بن بھائی کے ہم ہو گئے
آج سے بے آس حرم ہو گئے
لٹ گئی سرکار سب
شیر جواں مر گیا
ہو گیا کیسا غضب
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
پردہء سادات کا ضامن گیا
زور کمر گھٹ گیا مظلوم کا
خاک اڑاییں گے
ہم شیر جواں مر گیا
گھر نہیں جائیں گے ہم
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
ہو گیا پردیس میں برباد گھر
لگ گئی عباس کو کس کی نظر
پھر سے علی لٹ گئے
شیر جواں مر گیا
آل نبی لٹ گئے
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
لوٹ لو سادات کو اب لوٹ لو
قیدی بنا کر انہیں بس لے چلو
شور یہ فوجوں میں ہے
شیر جواں مر گیا
تھرتھری موجوں میں ہے
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
غم سے کلیجہ میرا صد چاک ہے
جینے پہ مظلوم کے اب خاک ہے
چلتی ہے دل پر چھری
شیر جواں مر گیا
ختم ہوئی زندگی
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
کس کو دکھاؤں میں کلیجے کے داغ
ہو گیا گل قبر علی کا چراغ
ایسی ہوا یہ چلی
شیر جواں مر گیا
شمعِ وفا بجھ گئی
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
شہ سوئے خیمہ جو تکلم چلے
مشک وعلم تھے علی اکبر لیئے
لب پہ تھا نوحہ یہی
شیر جواں مر گیا
پانی نہ مانگے کوئی
شیر جواں مر گیا
لاشہ علمدار پہ۔۔۔
مر گیا زینب میرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.