Maidan mein hussain
Noha Lyrics & Urdu Writeup on Hazrat Abbas (a.s) recited by Mirza Sikander Ali
میدان میں حسین کا غمخوار گر پڑا
علمدار گر پڑا
شانے کٹا کے گھوڑے سے جرار گر پڑا
علمدار گر پڑا
دکھلا گیا بہارِ وفا جانِ مرتضیٰ
ڈوبا ہوا لہو میں ہے ارمانِ مرتضیٰ
ہے پارا پارا نہر پہ قرآنِ مرتضیٰ
فوجِ خدا کا ہائے علمدار گر پڑا
علمدار گر پڑا ۔۔۔
تنہا حسین ہو گئے یاور نہیں رہا
تشنہ لبوں میں ساقئی کوثر نہیں رہا
بی بی سکینہ عمِ غضنفر نہیں رہا
فوجِ خدا کا ہائے علمدار گر پڑا
علمدار گر پڑا ۔۔۔
تھرا اُٹھا غم سے بیابانِ کربلا
روئے گی خون شامِ غریبانِ کر بلا
رسی میں باندھیں جائیں گے مہمانِ کربلا
فوجِ خدا کا ہائے علمدار گر پڑا
علمدار گر پڑا ۔۔۔
دریائے زندگی کا کنارا نہیں رہا
بے آس بیبیاں ہیں سہارا نہیں رہا
تھا دل کو جس سے چین وہ پیارا نہیں رہا
فوجِ خدا کا ہائے علمدار گر پڑا
علمدار گر پڑا ۔۔۔
ذراتِ کربلا با الم بولنے لگے
عباس کے فراق میں آنسو اُبل پڑے
شبیر کس طرح علی فطرت یہ غم سہے
فوجِ خدا کا ہائے علمدار گر پڑا
علمدار گر پڑا ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.