Karte thay ro ro

کرتے تھے رو رو کے یہ حضرت بیاں توڑ گےء میری کمر بھای جاں

روتی ہے خیمے میں سکینہ وہاں سوتے ہیں عباس زمیں پر یہاں

مر گیا اکبر پدر شیر جواں مر گیا تھام لو میری کمر شیر جواں مر گیا صدقے کرو لاش پر شیر جواں مر گیا لٹ گیا بیکس کا گھر شیر جواں مر گیا قوت بازو میرا کیا ہوگیا زینتِ پہلو میرا کیا ہوگیا

عاشق دلجو میرا کیا ہوگیا کیا ہوا افسوس میرا قدردان

ہم‌ کو سنبھالے گا کون شیر جواں مر گیا لاش اٹھاے گا کون شیر جواں مر گیا بھای پکارے گا کون شیر جواں مر گیا قبر بناے گا کون شیر جواں مر گیا کیا ہوا سقاے سکینہ کو آہ کس نے کیا میرا بھرا گھر تباہ

کیا ہوی عباس برادر کی چاہ اب گیء وہ پیار کی باتیں کہاں

کون خبر لے میری شیر جواں مر گیا ہاے میری بیکسی شیر جواں مر گیا تلق ہوی زندگی شیر جواں مر گیا چلتی ہے دل پر چھری شیر جواں مر گیا توڑو نہ غربت میں میری آس اٹھو اٹھو حسین آیا ہے عباس اٹھو

روتا ہے مظلوم بصد یاس اٹھو اٹھو بس اب گھر کو چلو بھای جاں

دھوم ہے خیمے میں واں شیر جواں مر گیا کرتی ہے زینب فغاں شیر جواں مر گیا سینے میں ہے دل تپاں شیر جواں مر گیا کس سے کروں میں بیاں شیر جواں مر گیا ہاتھ سے کھویا دل ناشاد کو پاؤں کہاں اپنے علمدار کو

دیر ہوی خنجر خونخوار کو جلد گلے پر ہو میرے اب رواں

اب کوئی چارہ نہیں شیر جواں مر گیا زیست گوارا نہیں شیر جواں مر گیا ضبط کا یارا نہیں شیر جواں مر گیا کوئی ہمارا نہیں شیر جواں مر گیا ماں ہے بنی ہاشم والا نہیں اس میں میرے مہرو کا اجالا نہیں

ہاے میرا چاہنے والا نہیں نظروں میں تاریک ہے سارا جہاں

آنکھوں کا تارہ میرا شیر جواں مر گیا گھر کا اجالا میرا شیر جواں مر گیا عاشق و شیدا میرا شیر جواں مر گیا چاند کا ٹکڑا میرا شیر جواں مر گیا روح علی جان نبی الوداع عاشق و شیداے اخی الوداع

لاشہء عباس علی الوداع آتے ہیں اب ہم بھی چلو بھای جاں

جان ہے مجھ میں کہاں شیر جواں مر گیا رنج سے ہوں نیم جاں شیر جواں مر گیا لٹ گیا سب کارواں شیر جواں مر گیا جلد ہو خنجر رواں شیر جواں مر گیا شور ہے فریاد کا شوکت خموش کھوتے ہیں سب شہ کے عزادار ہوش

کر یہ دعا حق سے کہ اے پردہ پوش کر نہ گناہ حشر میں میرے عیاں