Jab hue baazue

جب ہوے بازوے عباس قلم دریا پر گر کے ٹھنڈا ہوا حضرت کا علم دریا پر غرق خوں ہو گیا وہ بہر کرم دریا پر غل تھا زخمی ہوا سقاے حرم دریا پر مشک کو دانتوں میں پکڑے ہوے یوں لاتا ہے دہن شیر میں جس طرح شکار آتا ہے جب ہوے بازوے عباس۔۔۔

غش کی آمد ہے جگر سوز عطش سے ہے کباب ہے جو بے دست ٹہرتی نہیں پاؤں میں رکاب پیاسے بچوں کے لیےء سینے میں دل ہے بیتاب غم یہی ہے کہ کہیں مشک سے ضایعے نہ ہو آب تیر پیہم جو کمانوں سے چلے آتے ہیں یا علی کہتے ہے اور مشک پہ جھک جاتے ہیں جب ہوے بازوے عباس۔۔۔

کر کے منہ سوے نجف کہتے تھے با دیدۂ تر یا علی لیجیےء مجھ بیکس و مضطر کی خبر اے شاہ عقدہ کشا بادشاہ جن و بشر چاہتا ہوں میں کہ اس مشک کو پہنچے نہ زہر آپ کے بیٹے کا شیدا ہوں مدد لازم ہے آپ کی پوتی کا سقہ ہوں مدد لازم ہے جب ہوے بازوے عباس۔۔۔

اسپ سے کہتے تھے عباس یہ با چشمِ پر آب یاں سے لے چل مجھے اے اسپ وفادار شتاب پیاسے ہونگے جو سیراب ہوے گا ثواب کہیں ایسا نہ ہو ساری میری محنت ہو خراب ہاے کیا جانیےء کیا بچوں کی حالت ہو گی مر گیء پیاسی سکینہ تو قیامت ہو گی جب ہوے بازوے عباس۔۔۔