Hyder ka laal aaya

کس شیر کی آمد ہے کہ رن کانپ رہا ہے رن ایک طرف چرخ کہن کانپ رہا ہے رستم کا بدن زیر کفن کانپ رہا ہے ہر ایک سلاطین زمن کانپ رہا ہے شمشیر بکف دیکھ کے حیدر کے پسر کو جبریل سمیٹے ہوئے پھرتے ہے پر وں کو

حیدر کا لال آیا تھا میدان میں جس گھڑی دم رک گیا سپاہ کا رنگت بھی تھی اڑی حیدر کا لال آیا تھا۔۔۔

تاریخ کربلا میں ہے تحریر اس طرح بے تیغ جنگ حضرت عباس نے لڑی حیدر کا لال آیا تھا۔۔۔

پہنچا تھا ایسی شان سے وہ جانب فرات دم بھر بھی ٹہر پایا نہیں کوئی لشکری حیدر کا لال آیا تھا۔۔۔

احسان مند ہوگیا پانی بھی اس گھڑی نہر فرات مشک سکینہ میں جب بھری حیدر کا لال آیا تھا۔۔۔

چھپکے کیا وہ وار کہ بازو قلم ہوے دانتوں میں مشک لے کے چلا شیر حیدری حیدر کا لال آیا تھا۔۔۔

ناگاہ ایک تیر سے جب مشک چھد گیء خوں رویا یاد آی سکینہ کی تشنگی حیدر کا لال آیا تھا۔۔۔

سقاے اہلبیت کے سر پہ لگا جو گرز سر پارہ پارہ ہوگیا چھانے لگی غشی حیدر کا لال آیا تھا۔۔۔

گھوڑے سے جب گرے تو صدا دی امام کو آقا سلام تم پہ ہے یہ میرا آخری حیدر کا لال آیا تھا۔۔۔

پہنچے سرہانے بھای کے جب شاہ کربلا روے حسین بھای کی دیکھی جو بے بسی حیدر کا لال آیا تھا۔۔۔

فرمایا شہ نے بھای سے کچھ ہم سے بھی کہو غازی یہ بولے آقا ہے اس وقت عاجزی حیدر کا لال آیا تھا۔۔۔

اک آنکھ میں ہے خون تو اک آنکھ میں ہے تیر کر لوں زیارت آپ کی ہوجائے روشنی حیدر کا لال آیا تھا۔۔۔

روتے ہوئے حسین کے رخ پر نظر پڑی عباس رویا دیکھ کے سرور کی بے بسی حیدر کا لال آیا تھا۔۔۔

بولے حسین غازی سے خواہش ہے اک میری میں جانتا ہوں تم کو ہے کیا میری عاشقی حیدر کا لال آیا تھا۔۔۔

تا عمر آقا کہتے رہے مجھکو یہ بھای تم اک بار بھای کہکے پکارو مجھے ابھی حیدر کا لال آیا تھا۔۔۔

غازی نے بھای کہکے پکارا حسین کو کی آنکھ بند غازی نے جنت کی راہ لی حیدر کا لال آیا تھا۔۔۔

عاکف یہی ہے مدحت عباس کا اعجاز زیر قدم ہے اپنے جہاں کی سکندری حیدر کا لال آیا تھا۔۔۔