Ameere lashkare hussain

ایں صبر دشتِ نینوا امیرِ لشکرِ حُسین نِہنگِ قُلزمِ وغا امیرِ لشکرِحُسین خدنگِ ترکشِ قضاء امیرِ لشکرِ حُسین برنگِ شاہِ لا فتی امیرِ لشکرِ حُسین جری،دلیر،باوفا امیرِ لشکرِ حُسین وفا بحدِ معجزہ امیرِ لشکرِ حُسین ---ایں صبر دشتِ نینوا

یہ ذوالفقارِ حیدری یہ شیر بیشہ ء نجف یہ تیغ و تیزِ ہاشمی نشانِ جرائت سلف ہر اک کا مرکزِ نظر کفیل تِشنگانِ طف کنارے نہرِ علقمہ تمام فوج کا ہدف کسی سے پر نہ رُک سکا امیرِ لشکرِ حُسین ---ایں صبر دشتِ نینوا

بہادرانِ صف شکن میں اس جری کے تذکرے دلاورانِ تیغ و زن میں اس جری کے تذکرے ہر اک وفا کی انجمن میں اس جری کے تذکرے رسول پاک کے چمن میں اس جری کے تذکرے غرور آلِ مصطفی امیرِ لشکرِ حُسین ---ہزَ برِ دشتِ نینوا

حُسین کا اَخی بھی ہے حُسین کا غلام بھی حُسین کی سپر بھی ہے تبر بھی ہے حسام بھی حُسین کی ذرہ بھی ہے قماء بھی ہے سحام بھی حُسین حکم دیں اگر تو شمر سے کلام بھی وگرنہ وہ کُجا کُجا امیرِ لشکرِ حُسین ---ایں صبر دشتِ نینوا

حُسین اذن دیں اگر ابھی یہ سب کو دیکھ لے ابھی عراق و شام کو ابھی حلب کو دیکھ لے ابھی ابھی یہ کوفیانِ بے ادب کو دیکھ لے مقابلہ جو آ پڑے تو کُل عرب کو دیکھ لے مثالِ شاہِ لا فتی امیرِ لشکرِ حُسین ---ہزَ برِ دشتِ نینوا

اشارہء امام ہو تو فتح میں دھرا ہے کیا شُعاعِ مہر کے لیئے یہ شام کی گھٹا ہے کیا فرات تک نہ جانے دے کسی میں حوصلہ ہے کیا علی کے شیر کے لیئے یہ جنگ ِ کربلا ہے کیا اُلٹ دے تخت شام کا امیرِ لشکرِ حُسین ---ایں صبر دشتِ نینوا

یزید ِ بد نِہاد سے سکونِ ذات چھین لے مُحافظین ِنہر سے حق حیات چھین لے جو مرضی ء حُسین ہو ابھی فرات چھین لے فرات کیا ہے یہ وہ ہے کہ کائنات چھین لے بڑا بلند حوصلہ امیرِلشکرِ حُسین ---ایں صبر دشتِ نینوا

مگر یہاں تو حکم ہے کہ بس علی کے شیر بس حُسین اپنی زندگی سے ہو چُکا ہے سیر بس قریبِ وقتِ عصر ہے بس اب میرے دلیر بس ہمارے کوُچ میں کہیں مزید ہو نہ دیر بس کرے گا تا با کی وُغا امیرِلشکرِ حُسین --ایں صبر دشت نینوا۔۔۔۔۔۔