Giri hai khaak pe
Noha Lyrics & Urdu Writeup on Shaam recited by Rizwan Zaidi
گری ہے خاک پہ زینب سنبھال اے فضہ
علی کی بیٹی کا صدقہ نکال اے فضہ
کہا یہ فضہ سے شبیر نے دم رخصت
میری سکینہ کا رکھنا خیال اے فضہ
گری ہے خاک پہ۔۔۔
ردا نہ دیں گے لعیں مانگ مت ردا ان سے
بس اب تو خاک ہی بالوں پہ ڈال اے فضہ
گری ہے خاک پہ۔۔۔
ابھی تو شام کے رستے ہیں صبر کر کے گزر
ابھی تو ہونے ہیں مشکل سوال اے فضہ
گری ہے خاک پہ۔۔۔
ہر ایک سوال کے بدلے یہ سنگ ماریں گے
نہ کر تو رحم کا ان سے سوال اے فضہ
گری ہے خاک پہ۔۔۔
بچا لعینوں کی نظروں سے بنت زہرا کو
بنالے قد کو تو زینب کی ڈھال اے فضہ
گری ہے خاک پہ۔۔۔
کریگا کس طرح یہ گفتگو شرابی سے
بتول زادی کی مشکل یہ ٹال اے فضہ
گری ہے خاک پہ۔۔۔
بلا ہبش کے غلاموں کو تو مدد کے لئے
ہے قید آج پیمبر کی آل اے فضہ
گری ہے خاک پہ۔۔۔
خبر ہے عابد مضطر کو یا ہے تجھکو خبر
جو ہے بتول کی بیٹی کا حال اے فضہ
گری ہے خاک پہ۔۔۔
نہ کیوں جھکائے تیرے در پہ سر کو نور علی
کہ تجھکو ماں کہے زہرا کے لال اے فضہ
گری ہے خاک پہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.