Abbas na laute
Noha Lyrics & Urdu Writeup on Hazrat Abbas (a.s) recited by Sachay Bhai
عباس نہ لوٹے شہ آ گئے مشک آگئی
مقتل کی زمیں بھا گئی عباس نہ لوٹے
عباس نہ لوٹے۔۔۔
اس شان سے مقتل کو سدھارا تھا علمدار
اعداء کی نظر کھا گئی عباس نہ لوٹے
عباس نہ لوٹے۔۔۔
جب تیر چلا بہہ گیا سب مشک سے پانی
عباس کو شرم آگئی عباس نہ لوٹے
عباس نہ لوٹے۔۔۔
رونے کے لئے لاش شبیر پہ رن میں
فردوس سے ماں آگئی عباس نہ لوٹے
عباس نہ لوٹے۔۔۔
خیموں میں لگی آگ تو عمو کو بُلانے
معصوم سکینہ گئی عباس نہ لوٹے
عباس نہ لوٹے۔۔۔
حد ہو گئی بھائی کو منانے لب ساحل
خود ثانی زہرا گئی عباس نہ لوٹے
عباس نہ لوٹے۔۔۔
کیا جانے کیوں رُوٹھ گئے کہتی تھی زینب
رُخصت کی گھڑی آگئی عباس نہ لوٹے
عباس نہ لوٹے۔۔۔
بہتا ہوا کانوں سے لہو سوکھے ہوئے لب
دکھلانے سکینہ گئی عباس نہ لوٹے
عباس نہ لوٹے۔۔۔
دیتی رہی آواز پہ آواز سکینہ
آخر کو قضاء آ گئی عباس نہ لوٹے
عباس نہ لوٹے۔۔۔
پانی کے لئے مشک و علم لے کے گئے تھے
دن ڈھال گیا رات آگئی عباس نہ لوٹے
عباس نہ لوٹے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.