Abbas kahan ho

سر کٹ گیا جب دشت میں زہرہ کے پسر کا ہلتی تھی زمیں کاںپتا تھا عرش معلا سرخ اندھی چلی خون اگلنے لگا صحرا وحشت کا یہ عالم تھا کے ہلتا تھا کلیجہ تھی ایک قیامت سرے مقتل جو بپا تھی گونجی ہوئی صحرا میں فقط ایک صدا تھی عباس کہاں ہو آجاؤ جہاں ہو

سینے پہ سناں کھا چکے اکبر گئے مارے خالی ہوا جھولا علی اصغر گئے مارے تنہا ہوئیں سیدانیاں سرور گئے مارے زینب ہے پریشاں چلے آو جہاں ہو عبّاس کہاں ہو

ناموس پیمبر کو بڑی آس تھی تم سے کیا ایسی بھلا بھائی خطا ہوگئی ہم سے

پھٹ جائے کلیجہ کہیں زینب کا نہ غم سے کیوں روٹھے ہو کس واسطے نظروں سے نہاں ہو عبّاس کہاں ہو

اس دشت مصیبت میں کہاں کھو گئے بھائی نیزے کی انی آیۂ تطہیر تک آئی آجاؤ ذرا چھوڑ کے دریا کی ترائی چادر سرے زینب سے اترتی ہے کہاں ہو عبّاس کہاں ہو

یہ اہل ستم اور قیامت نہ مچادیں سب لوٹ کے اسباب حرم آگ لگادیں ڈر ہے کہیں بیمار کہ خیمۂ نہ جلادیں پھر چار طرف صرف دھواں صرف دھواں ہو عبّاس کہاں ہو

ڈھانے پہ ستم اور ستمگار تلے ہیں تلواریں لئے سب در خیمۂ پہ کھڑے ہیں مردوں میں فقط عابد بیمار بچے ہیں خنجر کہیں عابد کے گلے پر نہ رواں ہو عبّاس کہاں ہو

بچہ کوئی روتا ہے ادھر ٹاپوں میں آکے بچی کوئی روتی ہے ادھر کھا کے طمانچہں لاؤں تو بھلا لاؤں زباں ایسی کہاں سے الفاظ نہیں حال جو بچوں کا بیاں ہو عبّاس کہاں ہو