Abbas e jari
Noha Lyrics & Urdu Writeup on Hazrat Abbas (a.s) recited by Raza Ali Khan
اے فاتح خیبر کے بیٹے
اے شیر جواں عباس جری
کرتی ہے تمہاری تربت پر
زینب یہ فغاں عباس جری
ہم غیرت حیدر شان علی
پوچھو تو بہن پر کیا گزری
اٹھو میں دکھانے آی ہوں
بازو کے نشاں عباس جری
دی میں نے صدا بھیا تم کو
اماں نے پکارا تھا تم کو
جب پیاسے گلے پر سرور کے
خنجر تھا رواں عباس جری
شبیر نے تم کو یاد کیا
حسرت سے سوے ساحل دیکھا
پیری میں اٹھای بیکس نے
جب لاش جواں عباس جری
جب شام غریباں خیمے جلے
جب ہم پہ برستے تھے کوڑے
ساحل پہ سنی ہوگی تمنے
بیوؤں کی فغاں عباس جری
شبیر کے دل پر کیا گزری
کچھ تم کو خبر اس کی نہ ہوی
ٹوٹی میرے اکبر کے دل میں
جب نوکِ سِناں عباس جری
بے مقنہ و چادر آل نبی
بازار میں درباروں میں گیے
ہر لمحہ تمہیں دیتی تھی صدا
اشکوں کی زباں عباس جری
تم ناز اٹھاتے تھے جس کے
ہم قید میں اس کو چھوڑ آے
تا حشر تمہاری پیاری کا
زنداں ہے مکاں عباس جری
اے شیر دلاور کیا ہو بیاں
پھٹتا ہے جگر رکتی ہے زباں
پامال ہوا تنہا رن میں
زہرا کا نشاں عباس جری
بانو نے جو اصغر کا لاشہ
شبیر کے ہاتھوں پر دیکھا
منظر تھا قیامت کا بھیا
محشر کا سماں عباس جری
جاوید تھا اک محشر برپا
غازی کا لرزتا تھا روضہ
آواز جو دیتی تھی زینب
اے شیر جواں عباس جری
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.