Abbas e alamdar

کس شیر کی آمد ہے کے رن کانپ رہا ہے رن اک طرف چرخِ کوہن کانپ رہا ہے رُستم کا بدن زیرِ کفن کانپ رہا ہے ہر قصرِ سلاطینِ زمن کانپ رہا ہے شمشیر بکف دیکھ کے حیدر کے پسر کو جبرئیل لرزتے ہیں سمیٹے ہوئے پر کو عباسِ علمدار عباسِ علمدار

اس شان سے اسلام کے پرچم کو اُٹھایا سر دے دیا اور دینِ محمد کو بچایا کیا مقصدِ شبیر یہ تُوں نے ہے بتایا اے شِہ کے وفادار اے عباسِ علمدار عباسِ علمدار۔۔۔

ہے سب سے جُدا تیری وفائوں کا کرینہ پانی نہ پیا تُو نے ترائی کو تو چھینا آنکھوں سے جُدا کیسے ہو تصویرِ سکینہ اُس سے ہے تجھ کو پیار اے عباسِ علمدار عباسِ علمدار۔۔۔

ہے اشک فشاں آج بھی غم میں تیرے پانی یہ مشک سکینہ کی علم تیری نشانی روتا ہے جہاں سُن کے تیرے غم کی کہانی اے فوج کے سردار اے عباسِ علمدار عباسِ علمدار۔۔۔

حیدر کی دُعائوں کا صلہ ہے میرے عباس زہرا نے تجھے بیٹا کہا ہے میرے عباس ہر دور میں ہر دل کی صدا ہے میرے عباس زینب کے مددگار اے عباسِ علمدار عباسِ علمدار۔۔۔

تم کو نہ پُکارے تو بھلا کس کو پُکارے ہے کُشک بھتیجی کا گلا پیاس کے مارے روتی ہے سکینہ جو کبھی غم میں تمہارے ہنستے تھے ستمگار اے عباسِ علمدار عباسِ علمدار۔۔۔

عباس کے لاشے پہ یہ کہتی رہے سرور رُخصت ہوئی بینائی جو رُخصت ہوئے اکبر توڑی ہے کمر غم نے تیرے میری برادر اے فوج کے سردار اے عباسِ علمدار عباسِ علمدار۔۔۔

کرتے ہیں دُعا احمد و محسن یہی پیہم ہاتھوں پہ اُٹھائے ہوئے عباس کا پرچم جائیں گے زیارت کو تیری کرب و بلا ہم ہم تیرے ہیں غمخوار اے عباسِ علمدار عباسِ علمدار۔۔۔