Abbas ay shere jawan
Noha Lyrics & Urdu Writeup on Hazrat Abbas (a.s) recited by Anj. Masoomeen
اہلِ حرم کے پاسباں عباس اے شیر جواں
کہتا تھا زہرا کا پسر تھامے ہوے ٹوٹی کمر
بھای میرے تم سو گےء اب کون لے میری خبر
دیکھو میری تنہائیاں عباس اے شیر جواں
عباس اے شیر جواں۔۔۔
تم تھے علمدار جری لشکر کی تم سے شان تھی
واقف تھے تم اس بات سے تم سے ہی میری زندگی
کوئی نہیں میرا یہاں عباس اے شیر جواں
عباس اے شیر جواں۔۔۔
شانے تمہارے کٹ گےء گھوڑے سے تم کیسے گرے
سر پر لگا گرز ستم تم کس قدر زخمی ہوے
سارے بدن سے خوں رواں عباس اے شیر جواں
عباس اے شیر جواں۔۔۔
ہر قدم پر تھے ہم سفر ہر لمحہ تھے سینے سپر
اے تشنہ لب بھای میرے چھوڑا مجھے کس موڑ پر
ہر سمت ہے ویرانیاں عباس اے شیر جواں
عباس اے شیر جواں۔۔۔
جس سمت جاتی ہے نظر خنجر ہے اور تیر و تبر
عباس کچھ ہی دیر میں کٹ جاے گا میرا بھی سر
اب ہے ہمارا امتحاں عباس اے شیر جواں
عباس اے شیر جواں۔۔۔
تم سے تھا ہر دل کو بھرم تھے مطمئن أہل حرم
اک تم جدا کیا ہو گےء سو جاے گی فوج ستم
جاگے گی ساری بی بیاں عباس اے شیر جواں
عباس اے شیر جواں۔۔۔
یہ ہے سکینہ کی فغاں آ جاؤ عمو ہو کہاں
کیسے اسے سمجھاؤں میں اس سے کروں کیا کیا بیاں
مر جاۓ گی وہ نیم جاں عباس اے شیر جواں
عباس اے شیر جواں۔۔۔
مشک سکینہ چھد گیء حسرت تھی تجھکو جنگ کی
کوئی بھی تیری آرزو بھای نہ پوری ہو سکی
بے چین تیری ہچکیاں عباس اے شیر جواں
عباس اے شیر جواں۔۔۔
اے میرے بھائی با وفا اللّٰہ نے طے کر لیا
تیرے وسیلے سے اگر جو بھی کرے دل سے دعا
بھر دے گا انکی جھولیاں عباس اے شیر جواں
عباس اے شیر جواں۔۔۔
شہ نے کہا میرے جری دل کی تڑپ ہے اب یہی
مولا کہا آقا کہا اک بار کہدو بس اخی
دیکھو میری بے چینیاں عباس اے شیر جواں
عباس اے شیر جواں۔۔۔
عباس نے بھای کہا بھای سے بھای چھٹ گیا
ماتم رشید اب ہوتا ہے پیاسے جری عباس کا
گریہ کناں ہے بی بیاں عباس اے شیر جواں
عباس اے شیر جواں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.