Abbas alamdar
Noha Lyrics & Urdu Writeup on Hazrat Abbas (a.s) recited by Shahid Baltistani
کہتی ہے وفا داری ورثہ ہے علمداری
بے دست ہے پھر بھی ہے علمدار علمدار
ہے عباس علمدار عباس علمدار
سخی عباس علمدار عباس علمدار
سقائے سکینہ ہے مشکیزہ بتاتا ہے
بھٹکے ہوئے لوگوں کو منزل سے ملاتا ہے
ماتم کے جلوسوں میں آگے نظر آتا ہے
ہے تیرا علم قافلہ سالار علمدار
عباس علمدار۔۔۔
عباس یہ تجھ سے ہے اظہارِ وفاداری
پانی کی سبیلیں یہ مجلس یہ اعزاداری
تیرے کٹے شانوں کا صدقہ ہے میرے غازی
نوکر ہیں تیرے سارے اعزادار علمدار
عباس علمدار۔۔۔
یہ کیسی قیامت ہے اولادِ پیعمبر پر
بے گورو کفن لاشے سیدانیاں بے چادر
ہر بی بی یہ کہتی ہے دیکھو تو ذرا آ کر
جاتے ہیں حرم شام کے بازار علمدار
عباس علمدار۔۔۔
عباس کا گِرنا تھا جلتی ہوئی ریتی پر
سرور کی کمر ٹوٹی زینب کی گِری چادر
لاشے پہ نبی زادی دیتی تھی صدا رو کر
مارا گیا پیاسوں کا مددگار علمدار
عباس علمدار۔۔۔
یاور یہ حقیقت ہے معصوم بتاتے ہیں
مولا کی زیارت کو جو قافلے آتے ہیں
جب کرب وبلا کے وہ نزدیک پہنچتے ہیں
لینے کے لیے آتے ہیں ہر بار علمدار
عباس علمدار۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.