Zakhm chupana

اکبر نے سناں کھائی ہے انکو نہ بتانا بابا پھوپی امّاں سے میرا زخم چھپانا

کس طرح سے دیکھیں گی وہ ہم دونوں کی غربت وہ روئیں تو آجائے گی خیموں میں قیامت میں زخم چھپا لیتا ہوں تم آنسو چھپانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

تصویر محمد ہے بڑے نازوں سے پالی مر جاۓ نہ خیمے میں میری پالنے والی ہر گز یہ میرا ہاتھ نہ سینے سے ہٹانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

ماری ہے سناں سینے پہ یہ کہکے لعیں نے پھولوں کی طرح پالا ہے اکبر کو پھپھی نے لاشے پہ عبا خیموں سے پہلے ہی اڑھانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

اس بار شہادت کو اٹھالے گی امامت بھائی سے چھپانا نہیں اک بھائی کی غربت سجاد کو تفسیر شہادت کی سنانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

ممتا انہیں لاشے پہ میرے لائے گی بابا بے ساختہ وہ مجھ سے لپٹ جائے گی بابا ممکن ہو تو لاشے سے انہیں دور ہٹانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

جو خاک بھری ہے میرے بالوں سے چھڑادو چہرے پہ لہو ہے میرے دامن سے ہٹا دو وہ ضد جو زیادہ کرے بس چہرہ دکھانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

یوں نیزہ ستمگار نے مارا میرے بابا پہلو بھی شکستہ ہے ہمارا میرے بابا یاد آئے گا دادی کا انہیں زخم پرانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

اس حال میں دے صبر خدا بنت علی کو اکبر کا سلام آخری کہہ دینا پھپھی کو زندہ بڑا مشکل ہے میرا خیمے میں جانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

ہر بات میری آپ کی بہنوں کے لئےہے بس ایک وصیت میری صغرا کے لئے ہے لا کر خط صغرا میرے لاشے پہ سنانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

دم توڑتے اکبر کو نہ پہنچے کوئی صدمہ منہ پھیر کے یوں روتے ہو معلوم ہے بابا پر سامنے سادات کے آنسو نہ بہانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔

اس آخری ہچکی میں تکلم ہوا محشر اکبر نے کہا ہاتھ جو پیشانی پہ رکھ کر لو ہم کو اجازت دو ہمیں دور ہے جانا بابا پھوپی امّاں سے میرا زخم چھپانا اکبر نے سناں کھای۔۔۔ بابا پھوپی امّاں سے۔۔۔