Shere dilawar akbar

ہائے اکبر میرے اکبر شیرے دلاور اکبر لیلیٰ کے دلبر اکبر شبیہہ پیعمبر اکبر

عباس کے مرنے سے ٹوٹی ہے کمر میری بے نور ہوئی تیرے مرنے سے نظر میری گھیرے ہوئے ہے مجھ کو دو لاکھ کا یہ لشکر ڈھونڈوں میں کہا تجھ کو دو مجھ کو صدا اکبر بے بسی کا عالم ہے آنکھیں میری پُرنم ہیں دل میں جو تیرا غم ہے ہائے اکبر میرے اکبر۔۔۔ شیرے دلاور اکبر۔۔۔

لگتی ہے مجھ کو بیٹا ہر اک قدم پہ ٹھوکر کیا تُو گیا کے میرا برباد ہو گیا گھر شادی کا تیرے ارماںدل میں لیے ہے مادر اُس کو بتائوں کیسے یہ حال تیرا دلبر کیا میں کہوں گا جا کر پوچھے جو تیری مادر کہاں ہے میرا اکبر ہائے اکبر میرے اکبر۔۔۔ شیرے دلاور اکبر۔۔۔

اے کاش تیری کوئی اولاد اگر ہوتی تُو خود ہی سمجھ لیتا اس باپ پہ کیا گُزری مرتے ہوئیے جواں کو دیکھے اگر ضعیفی دُنیا میں اس سے بڑھ کر ہو گی نہ بدنصیبی کس سے کروں گا فریاد ہو گیا جو گھر برباد جی نہ سکوں تیرے بعد ہائے اکبر میرے اکبر۔۔۔ شیرے دلاور اکبر۔۔۔

سیرت میں آئینہ ہو صورت میں آئینہ ہو تُو بولتی ہوئی اک تصویر ِ مصطفیٰ ہو عزمِ بہادری میں تم مثلِ مرتضیٰ ہو جان دے کے یہ بتایا تم ابنِ لا فتاح ہو لُٹ گئی میری دُنیا غم کا ہے اک سناٹا مشکلوں کا ہے پہرا ہائے اکبر میرے اکبر۔۔۔ شیرے دلاور اکبر۔۔۔

مشکل کا مرحلہ ہے بابا یہ ناتواں ہے کربلا کی خاک پر اب مرنے کو نوجواں ہے منظر کو دیکھ کر یہ خوں رویا آسماں ہے منظر لہو لہو ہے دل سوز اک سماں ہے غم کا سایہ چھایا ہے تنہا تیرا بابا ہے موت کا اندھیرا ہے ہائے اکبر میرے اکبر۔۔۔ شیرے دلاور اکبر۔۔۔

لاشہ میں تیرا لے کر خیمے میں کیسے جائوں پوچھے اگر سکینہ کیا اُس کو میں بتائوں پالا تھا جس پھوپھی نے کیا حال میں سُنائوں حالات ہیں غیر میری ہمت کہاں سے لائوں اب نہ رہی کوئی آس نہ رہا بھائی عباس تُو بھی نہیں میرے پاس ہائے اکبر میرے اکبر۔۔۔ شیرے دلاور اکبر۔۔۔

کر ب و بلا کے بن میں سرور کی ناتوانی کیسے رقم ہو احمد بے کس کی یہ کہانی دیکھا ہے ضعیفی نے مرتی ہوئی جوانی رودادِ غمِ سرور محسن تیری زبانی اب نہ رہی کوئی آس نہ رہا بھائی عباس تُو بھی نہ رہا اب پاس ہائے اکبر میرے اکبر۔۔۔ شیرے دلاور اکبر۔۔۔