Shabihe payambar
Noha Lyrics & Urdu Writeup on Hazrat Ali Akbar (a.s) recited by Nadeem Sarwar
شبیہہ پیمبر اکبر نوحہ کرے ماں
شاہ کا دلبر اکبر نوحہ کرے ماں
ارمان بہت تھا میں تیری شادی رچائوں
اک روز دلہن چاند سی میں بیاہ کے لائوں
پر لاش پہ روتی ہے تیری کوک جلی ماں
شبیہہ پیمبر اکبر۔۔۔
شاہ کا دلبر اکبر۔۔۔
زندہ تھے تمہیں دیکھ کے اب کیسے جئیںگے
سوچا تھا تیرے بیاہ کی پوشاک سیئیں گے
پر تجھ کو کفن بھی نہ ملا ہائے میری جاں
شبیہہ پیمبر اکبر۔۔۔
شاہ کا دلبر اکبر۔۔۔
روتی ہے پھپی جس نے تجھے لاڈ سے پالا
تم کیا گئے رخصت ہوا اِس گھر سے اُجالا
اِک باپ ضعیفی میں ہوا بے سر وساماں
شبیہہ پیمبر اکبر۔۔۔
شاہ کا دلبر اکبر۔۔۔
مر جائے جواں لال اگر دُور وطن سے
محروم ہو غربت کے سبب گوروکفن سے
تڑپاتا ہے اِس وقت میں کیا تنگیئِ داماں
شبیہہ پیمبر اکبر۔۔۔
شاہ کا دلبر اکبر۔۔۔
عباس کا صدمہ بھی ابھی کم نہ ہوا تھا
ایسے میں میری جاں تیرا وقتِ اجل آیا
تم مرگئے کیوں مر نہ گئی لال تیر ی ماں
شبیہہ پیمبر اکبر۔۔۔
شاہ کا دلبر اکبر۔۔۔
بیمار بہن تکتی ہے بیٹا تیرا رستہ
پردیس میں آئے تو رہا یاد نہ وعدہ
مقتل کیا آباد مدینہ کیا ویراں
شبیہہ پیمبر اکبر۔۔۔
شاہ کا دلبر اکبر۔۔۔
پھرتا ہے میری آنکھ میں اب تک وہی منظر
اے جانِ پدر نورِ نظر اے علی اکبر
ہمشکلِ نبی کہتے تھے تم کو شہہ ذیشاں
شبیہہ پیمبر اکبر۔۔۔
شاہ کا دلبر اکبر۔۔۔
اللہ نگہبان تمہارا میرے پیارے
ہم لوگ رسن بستہ سوئے شام سدھارے
سوتا ہے تیرے ساتھ یہیں اصغرِ ناداں
شبیہہ پیمبر اکبر۔۔۔
شاہ کا دلبر اکبر۔۔۔
پیاسے تھے بہت پیاس یہ کس طرح بجھائی
اس چاند سے سینے پہ سناں ظلم کی کھائی
تم سوتے ہو ماں جاتی ہے بیٹا سوئے زنداں
شبیہہ پیمبر اکبر۔۔۔
شاہ کا دلبر اکبر۔۔۔
ریحان یہ کیا خوب لکھا غم کا فسانہ
زہرا نے تجھے بخشا ہے لفظوں کا خزانہ
لے ہوگیا بخشش کا تیری حشر میں سماں
شبیہہ پیمبر اکبر۔۔۔
شاہ کا دلبر اکبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.