Musalle pe akbar ki
Noha Lyrics & Urdu Writeup on Hazrat Ali Akbar (a.s) recited by Mir Hasan Mir
لبوں سے نکل کر اذاں رو رہی ہے
مصلے پہ اکبر کی ماں رو رہی ہے
دعا ہے یہی غمزدہ ماں کے لب پر
خدایا سلامت رہے میرا اکبر
وہ لے لے کے بس ہچکیاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
کبھی خاک پر بیٹھ کر رہ گزر میں
جدائی میں اکبر کی ویران گھر میں
بہن غمزدہ نیم جاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
تڑپتی ہے صغرا چلے آؤ بھیا
کہیں مر نہ جاے جدائی میں صغرا
وہ بیمار اور ناتواں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
ابھی تو گیا ہی نہیں رن میں اکبر
ابھی دل ہے اکبر کا سینے کے اندر
مگر پھر بھی نوکِ سِناں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
وہاں پر مدینے میں روتی ہے صغرا
یہاں پر سکینہ کے لب پر ہے نوحہ
بہن اک یہاں اک وہاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
دعا کر رہی ہے یہ کربل میں لیلیٰ
نہ موت آئے اکبر کو میرے خدایا
جوانی یہ سن کر بیاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
اے نازوں کے پالے ذرا سا ٹہر جا
کہ زینب سجالے تیرے سر پہ سہرا
کہ عون و محمد کی ماں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
نبی دیکھتے ہیں فلک سے یہ منظر
صفوں میں کھڑے سب نمازی ہیں مضطر
امامت لیئے ہچکیاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
مدینے میں اکبر جہاں سے چلے ہیں
زمیں پہ قدم کے نشاں وہ پڑے ہیں
بہن دیکھ کر کچھ نشاں رو رہی ہے
مصلے پہ اکبر کی ماں رو رہی ہے
لبوں سے نکل کر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.