Mere jawan akbar
Noha Lyrics & Urdu Writeup on Hazrat Ali Akbar (a.s) recited by Irfan Haider
نوحہ کرے ماں لاشِ اکبر پر
تم قتل ہوئے بیٹے جیتی رہی ماں در
اے میرے جواں اکبر
ویران ہوا بیٹا تیرے بعد میرا گھر
کیا تجھ کو تیری ماں نے اِس دن کے لیئے پالا
اِس ماں کو ضعیفی میں کیوں چھوڑ گئے بیٹا
ماں روتی ہے لاشِ پے تیرے آج کھلے سر
اے میرے جواں۔۔۔
کہتی تھی پھوپی زینب جب بیاہ رچائوں گی
اکبر تیری دلھن کی پوشاک بنائوں گی
افسوس کفن بھی نہ تجھے آیا میسر
اے میرے جواں۔۔۔
بیمار بہن صغریٰ تکتی ہے تیرا راستہ
پردیس میں تم آ کر کیوں بھول گئے وعدہ
اتنا بھی نہیں سوچا کے مر جائے گی خواہر
اے میرے جواں۔۔۔
ہمشکلِ نبی تم کو کہتا تھا جہاں سارا
زینب تیرے لاشے پر کرتی ہے یہی نوحہ
نانا کی زیارت کو ترس جائوں دلبر
اے میرے جواں۔۔۔
ہر دل نے کیا نوحہ ہر آنکھ ہوئی پُرنم
کُہرام ہے خیموں میں جنت میں بپا ماتم
اور خاک اُڑھاتے ہیں یہی کہہ کے پیعمبر
اے میرے جواں۔۔۔
پھُوپھیاں بھی تڑپتی ہیں ہمشیر بھی مادر بھی
دادا بھی تیرے روئے شبیر بھی شبر بھی
سادات کے خیموں میں قیامت کا ہے منظر
اے میرے جواں۔۔۔
جب کوئی جواں لاش نظر آئے گی بیٹا
ماں یاد تجھے کر کے تڑپ جائے گی بیٹا
اک روز تیری یاد میں مر جائے گی بیٹا
اے میرے جواں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.