Mar gaya tu jo
Noha Lyrics & Urdu Writeup on Hazrat Ali Akbar (a.s) recited by Shadman Raza
ہائے اکبر ہائے ہائے اکبر
مر گیا تو جو میری جاں اکبر
ماں تجھے پائے گی کہاں اکبر
کیا اسی کے واسطے بیٹا
تجھکو اٹھارہ سال پالا تھا
یوں نہ لے میرا امتحاں اکبر
ماں تجھے پائے گی کہاں اکبر
مر گیا تو جو۔۔۔
تو نہ ہو گا تو کون بولے گا
میرے ہاتھوں کو کون کھولے گا
جب ستائیں گی رسیاں اکبر
ماں تجھے پائے گی کہاں اکبر
مر گیا تو جو۔۔۔
چودھویں شب کے ماہ تاب کی موت
ہائے یہ عالم شباب کی موت
تجھکو روئے گی اک جہاں اکبر
ماں تجھے پائے گی کہاں اکبر
مر گیا تو جو۔۔۔
یوں نہ بچھڑے کسی کا لال جواں
یہ جو آواز آ رہی ہے یہاں
ہے تیری ماں کی سسکیاں اکبر
ماں تجھے پائے گی کہاں اکبر
مر گیا تو جو۔۔۔
آؤ زندان ہے بہت سونا
وقت ہے یہ نماز کا بیٹا
قید خانے میں دو اذاں اکبر
ماں تجھے پائے گی کہاں اکبر
مر گیا تو جو۔۔۔
تیرے سینے سے کھنچ چکا نیزہ
آ کے مہدی میرا نکالے گا
میرے دل میں ہے جو سناں اکبر
ماں تجھے پائے گی کہاں اکبر
مر گیا تو جو۔۔۔
ماں نے ہاشم بہت کیا اسرار
مت بچھڑ جان سید ابرار
کیا رہے گا میرا یہاں اکبر
ماں تجھے پائے گی کہاں اکبر
مر گیا تو جو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.