Haye Haye Ali Akbar
Noha Lyrics & Urdu Writeup on Hazrat Ali Akbar (a.s) recited by Tableegh e Imamia
کہتی تھی یہ ماں خوں بھری میت سے لپٹ کر
ہائے ہائے علی اکبر ہائے ہائے علی اکبر
ارماں تھا پہناؤں گی پوشاک شاہانی
افسوس کہ راس آئی نہ تُجھ کو یہ جوانی
کیسا تھا مقدر ہائے ہائے علی اکبر
کہتی تھی یہ ماں ۔۔۔
اتنا تو ذرا ٹھہرو تمہیں دولہا بنا لوں
بس اک جھلک سہرے کی صُغریٰ کو دکھا لوں
بے چین تھی خواہر ہائے ہائے علی اکبر
کہتی تھی یہ ماں ۔۔۔
اٹھارہ برس پال کے پروان چڑھایا
وہ گیسوؤں والا ہے میرا خون میں نہایا
یہ کیا ہوا دلبر ہائے ہائے علی اکبر
کہتی تھی یہ ماں ۔۔۔
ماں تیری جُدائی میں بھلاکیسے جیئے گی
مر جائے گی صُغریٰ جو خبر تیری سُنے گی
اب کیا کروں جی کر ہائے ہائے علی اکبر
کہتی تھی یہ ماں ۔۔۔
ٹھہرو کہ میں اٹھارویں منت تو بڑھا دوں
پھر لے کے بلائیں تُجھے جینے کی دُعا دوں
صدقے ہو یہ مادر ہائے ہائے علی اکبر
کہتی تھی یہ ماں ۔۔۔
پہلے تو اک آواز پہ اُٹھ جاتے تھے بیٹا
اب اتنی صداؤں پہ بھی پہلو نہیں بدلا
کیا ہو گیا دلبر ہائے ہائے علی اکبر
کہتی تھی یہ ماں ۔۔۔
تم ہچکیاں لے لے کہ جو دم توڑ رہے ہو
منہ ماں سے ہمیشہ کے لیئے موڑ رہے ہو
کیوں روٹھے ہو دلبر ہائے ہائے علی اکبر
کہتی تھی یہ ماں ۔۔۔
آئے جو ہمیں لوٹنے خیمے میں ستم گر
ماں دے گی صدائیں علی اکبر علی اکبر
چھن جائے گی چادر ہائے ہائے علی اکبر
کہتی تھی یہ ماں ۔۔۔
جب کوئی جواں لاش نظر آتی ہے محشر
اک یاد سوئے کرب و بلا جاتی ہے محشر
دل روتا ہے کہ کر ہائے ہائے علی اکبر
کہتی تھی یہ ماں ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.