Agayi Bint e Ali be rida haath bandhay bharay bazaron me

آگئی بنتِ علیؑ بے ردا ہاتھ بندھے بھرے بازاروں میں جس نے سورج نہ کبھی دیکھا تھا رو رہی ہے وہ گناہگاروں میں کون جانے کہ یہ ہیں کون رسن پہنے ہوئے بے ردا روتی ہے سجادؑ کے پیچھے چھپ کے سسکیاں ڈوبی ہیں جِس بی بی کی ہائے زنجیر کی جھنکاروں میں ہائے زہراؑ تیری قسمت نہ ملا حق تجھ کو ایسی تعظیم تیری کی ہے مسلمانوں نے تیرا حق مانگنے آئی زینبؑ ایک مے نوش کے درباروں میں کہاں زینبؑ اور کہاں شام میں لوگوں کا ہجوم سر برہنہ اُونچی آواز میں خطبے پڑھنا ذکرِ مرسل کا حوالہ دے کر چادریں مانگنا بدکاروں میں آگ خیموں کو لگی اور تھے سجادؑ بے ہوش رو رو عبّاس کو دیتی تھی صدائیں زینبؑ لُوٹ لو چادریں سیدانیوںؑ کی شور برپا تھا ستمگاروں میں کِس طرح بالی سکینہؑ آج بابا کے بغیر سوگئی چین سے تنہائی میں روتے روتے ہچکیاں دب گئیں معصومہؑ کی ہائے زندان کی دیواروں میں جِس جگہ مجلسِ شبیرؑ ہو برپا اخترؔ چھوڑ کر بقیہ وہاں روتی ہے زہراؑ آ کے بال کھولے ہوئے سر پیٹتی ہے اپنے پیاروں کے عزاداروں میں