Jawan ali akbar

راحتِ جاں ورد زباں ساعتِ اذاں جان علی اکبرم

جواں علی اکبر نوجواں علی اکبر اے گل لیلیٰ علی جان اکبرم جواں علی اکبر نوجواں علی اکبر

اے دل و جان پدر شکل پیمبر اکبر اے قرار دل زینب گل مادر اکبر مثل عباس جری شیر دلاور اکبر یوسف فاطمہ زہرا دل حیدر اکبر حسن زمن اکبر اے ناز چمن اکبر اے گل لیلیٰ۔۔۔ جواں علی اکبر۔۔۔

مولا شبیر نے مانگا ہے دعاؤں میں تمہیں غازی عباس نے رکھا ہے پناہوں میں تمہیں مل کے دو ماؤں نے پالا ہے رداؤں میں تمہیں رب اکبر نے‌ رکھا نوری ہجابوں میں تمہیں ناز دل سرور اے شبیہہ پیغمبر

بولی لیلیٰ کے گلے مجھکو لگاتے جاؤ بولی زینب مجھے صورت تو دکھاتے جاؤ بولے شبیر میری آس بندھاتے جاؤ مجھکو نانا کی زیارت تو کراتے جاؤ ہاے لہو میں تر ہم صورت پیغمبر اے گل لیلیٰ۔۔۔ جواں علی اکبر۔۔۔

کیسے مقتل تمہیں جانے کی اجازت دے دوں کیسے خیمے سے نکلنے کی اجازت دے دوں کیسے اس پیاس میں لڑنے کی اجازت دے دوں ماں ہوں کیسے تمہیں مرنے کی اجازت دے دوں اے جانِ دل مادر یہ ماں ہو فدا تم پر اے گل لیلیٰ۔۔۔ جواں علی اکبر۔۔۔

کھا کے سینے پہ سناں زیں سے اکبر جو گرا ہو گیا خیموں میں کہرام بپا واویلا یہ صدا دشت میں دیتا تھا غریب زہرا ہاے اکبر میرا اکبر میرا اکبر نہ رہا نورِ نظر اکبر اے ناز پدر اکبر اے گل لیلیٰ۔۔۔ جواں علی اکبر۔۔۔