Jangal may mujhko
Noha Lyrics & Urdu Writeup on Hazrat Ali Akbar (a.s) recited by Afzal Mirza
جنگل میں مجھکو چھوڑ کے اکبر کہاں گئے
چلا رہی ہے دیر سے مادر کہاں گئے
صدمے تیری جدائی کے کیسے اٹھاے ماں
آواز کچھ تو دو میرے دلبر کہاں گئے
جنگل میں مجھکو۔۔۔
سینے میں اضطراب ہے در پر نگاہ ہے
اے میرے ہم شبیہ پیمبر کہاں گئے
جنگل میں مجھکو۔۔۔
پیغام موت کا تھا یہ اٹھارواں برس
نورِ نگاہ سبط پیمبر کہاں گئے
جنگل میں مجھکو۔۔۔
اے ہاشمی جواں تمناے فاطمہ
اے آرزوئے ثاقیء کوثر کہاں گئے
جنگل میں مجھکو۔۔۔
شبیر کی نگاہ میں تاریک ہے جہاں
لیلیٰ کے چاند میرے منور کہاں گئے
جنگل میں مجھکو۔۔۔
گھر ہے اداس بالی سکینہ ہے بیقرار
اے روح جان حیدر و صفدر کہاں گےء
جنگل میں مجھکو۔۔۔
اب کیسے دیکھے نانا کی تصویر کو حسین
آیینہء جمال پیمبر کہاں گئے
جنگل میں مجھکو۔۔۔
ماں تم کو ڈھونڈتی ہے اندھیرے میں رات کے
گھر بھر کی روشنی مہ انور کہاں گئے
جنگل میں مجھکو۔۔۔
اعداے دین لے گےء اسباب لوٹ کر
چھنتی ہے اب سکینہ کی چادر کہاں گئے
جنگل میں مجھکو۔۔۔
آیا ہے شمر خیمے جلانے کے واسطے
چادر حرم کی چھنتی ہے اکبر کہاں گئے
جنگل میں مجھکو۔۔۔
جا کر مدینے والوں کو میں دونگی کیا جواب
پوچھیں گے جب جوان علی اکبر کہاں گئے
جنگل میں مجھکو۔۔۔
سیدانیوں کے بیچ میں لیلیٰ کے تھے یہ بین
ماں کو اکیلا چھوڑ کر اکبر کہاں گئے
جنگل میں مجھکو۔۔۔
جب سلسلہ حیات کا ٹوٹے گا اے قمر
پوچھیں گے لوگ خادمہء سرور کہاں گئے
جنگل میں مجھکو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.