Goonj uthi allahu
Noha Lyrics & Urdu Writeup on Hazrat Ali Akbar (a.s) recited by Ahsan Hussain
شہ نے کہا بیٹے سے اٹھو اکبر جواں
اٹھ جاؤ دو اذان اللہ اکبر اللہ اکبر
گونج اٹھی اللہ اکبر کی صدا میدان میں
حشر برپا ہو گیا ہے یا خدا میدان میں
آخری ہے ہمشکل پیمبر کی اذاں
اب فضایں سن نہ پائے گی یہ اکبر کی اذاں
رہ گیا ہل کر دل شاہ ہدا میدان میں
گونج اٹھی اللہ اکبر۔۔۔
ساتھ بیٹے کو لیے شبیر خیمے میں گےء
رخصت اکبر ہے بولے شاہ دیں روتے ہوئے
بی بیوں گھر لٹ گیا اکبر چلا میدان میں
گونج اٹھی اللہ اکبر۔۔۔
پکڑے ہیں دامن کوی تو تھامے شانہ ہے کوئی
جا رہا ہے گھر سے اکبر یا جنازہ ہے کوی
سبکی خواہش ہے نہ جائے مہ لقا میدان میں
گونج اٹھی اللہ اکبر۔۔۔
یہ ہے جسکا لال وہ ہے فاطمہ زہرا کا لال
کچھ تو کرلو سبط پیمبر کی غربت کا خیال
کلمہ گویوں ہے شبیہ مصطفیٰ میدان میں
گونج اٹھی اللہ اکبر۔۔۔
شور مقتل میں اٹھالو چل گیا برچی کا وار
ہوگیا ہے اصل میں نیزہ دل لیلیٰ کا پار
کب فقط اک قلب اکبر کا چھدا میدان میں
گونج اٹھی اللہ اکبر۔۔۔
کھا رہا ہے رن میں اکبر ٹھوکریں بوڑھا پدر
ہے اندھیرا اسکی آنکھوں میں نہیں آتا نظر
کس طرف آے بتا بابا تیرا میدان میں
گونج اٹھی اللہ اکبر۔۔۔
شاہ نے اکبر کے سینے سے سناں تو کھینچ لی
جسم کیا لرزا زمین کربلا ہلنے لگی
باپ کے ہاتھوں پہ بیٹا مرگیا میدان میں
گونج اٹھی اللہ اکبر۔۔۔
کیوں شجاعت اور احسن ہو نہ اب نوحہ کناں
دیکھ پاے گی نہ چشم دہر اکبر سا جواں
آگیء ہے یہ جوانی کو قضاء میدان میں
گونج اٹھی اللہ اکبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.