Di jo akbar ne azan
Noha Lyrics & Urdu Writeup on Hazrat Ali Akbar (a.s) recited by Safdar Abbas
دی جو اکبر نے اذاں اللّٰہ اکبر
رو دیےء کون و مکاں
اللّٰہ اکبر اللّٰہ اکبر
نعرۂ تکبیر گونجا بر سرِ کربوبلا
لہجہء اکبر میں تنہا جانے کیسا سوز تھا
گر گیء غش کھا کے ماں اللّٰہ اکبر اللّٰہ اکبر
دی جو اکبر نے اذاں۔۔۔
ایسے رک رک کر جو آتی ہے صدا تکبیر کی
یہ مؤذن کو ستاتا ہے غم تشنہ لبی
خشک ہے اسکی زباں اللّٰہ اکبر اللّٰہ اکبر
دی جو اکبر نے اذاں۔۔۔
ضبط کرنا چاہتے تھے ضبط غم نہ کر سکے
سن کے ہمشکل پیمبر کی اذاں رونے لگے
خود امام انس و جاں اللّٰہ اکبر اللّٰہ اکبر
دی جو اکبر نے اذاں۔۔۔
اس اذاں کے بعد ہونگی سختیاں در سختیاں
والیوں کو دیکھنے ہے بر سرِ نوکِ سِناں
رو رہی ہے بی بیاں اللّٰہ اکبر اللّٰہ اکبر
دی جو اکبر نے اذاں۔۔۔
مضطرب ہے جو سکینہ اسکو یہ احساس ہے
اس اذاں سے دو پہر پر فرقت عباس ہے
سخت ہوگا امتحاں اللّٰہ اکبر اللّٰہ اکبر
دی جو اکبر نے اذاں۔۔۔
لشکر شبیر میں ہے ہر طرف آہ و فغاں
دے رہا ہے کربلا میں یوسف ثانی اذاں
رو رہا ہے آسماں اللّٰہ اکبر اللّٰہ اکبر
دی جو اکبر نے اذاں۔۔۔
خیمہء شبیر میں سب بی بیاں ہیں دلفگار
در پہ خیمے کے اذاں سن کر ہے زینب بیقرار
لے رہی ہے سسکیاں اللّٰہ اکبر اللّٰہ اکبر
دی جو اکبر نے اذاں۔۔۔
اک بہن باغ مدینہ پر سر ریت تپاں
سن رہی یاس و حسرت سے برادر کی اذاں
ہے قیامت کا سماں اللّٰہ اکبر اللّٰہ اکبر
دی جو اکبر نے اذاں۔۔۔
سن کے یہ گہوارے میں کی اذان اشک بار
نصرتِ سرور کی خاطر ہو رہا ہے بیقرار
اصغرِ غنچہ دہن اللّٰہ اکبر اللّٰہ اکبر
دی جو اکبر نے اذاں۔۔۔
کیا بیاں ہو اے حمید و صفدر خستہ جگر
لشکرِ شبیر میں یہ غم کا منظر دیکھ کر
کہہ رہی ہے خود اذاں اللّٰہ اکبر اللّٰہ اکبر
دی جو اکبر نے اذاں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.