Bole akbar jo watan
Noha Lyrics & Urdu Writeup on Hazrat Ali Akbar (a.s) recited by Mir Sajjad Mir
بولے اکبر جو وطن لوٹ کے جانا اماں
میری روٹھی ہوی صغرا کو منانا اماں
میرے قدموں کے نشانوں پہ رکھے ہوگی وہ سر
اس سے کہنا نہیں آے گا کبھی اب اکبر
گھر کی دہلیز سے تم اس کو اٹھانا اماں
میری روٹھی۔۔۔
بولے اکبر جو۔۔۔
مرنے سے پہلے گلے مل لیا اکبر سب سے
کاش اک بار میں سینے سے لگا لیتا اسے
میری جانب سے اسے سینے لگانا اماں
میری روٹھی۔۔۔
بولے اکبر جو۔۔۔
پوچھے اصغر کا تو کہہ دینا ہمکتا تھا بہت
نام لیتے تھے تمہارا تو وہ ہنستا تھا بہت
گھٹنیوں چلنے لگا تھا وہ بتانا اماں
میری روٹھی۔۔۔
بولے اکبر جو۔۔۔
اس ردا سے اسے آ جاے گی خوشبو میری
یہ میرا خون ہے سنتے ہی وہ مر جاۓ گی
میری صغرا سے ردا اپنی چھپانا اماں
میری روٹھی۔۔۔
بولے اکبر جو۔۔۔
گر وہ پوچھے کہ میرے بھائی کو کیسے مارا
کہنا بس ہو گیا اللّٰہ کو پیارا صغرا
مجھکو ماری تھی سناں یہ نہ بتانا اماں
میری روٹھی۔۔۔
بولے اکبر جو۔۔۔
اس سے کہنا کہ وہ ناراض نہ ہو عمو سے
وہ تو خود نام مٹاتے ہوے اسکا روے
چاہتے تھے وہ اسے ساتھ میں لانا اماں
میری روٹھی۔۔۔
بولے اکبر جو۔۔۔
وہ ہے بیمار نہ کر پاے گی میلوں کا سفر
بس وہی بیٹھ کے رو لے وہ مجھے شام و سحر
اک نشاں قبر کا آنگن میں بہانا اماں
میری روٹھی۔۔۔
بولے اکبر جو۔۔۔
خط صغرا میری میت پہ سنانا ایسے
جیسے تلقین پڑھا کرتے ہیں بلکل ویسے
دونوں ہاتھوں سے میرا شانہ ہلانا اماں
میری روٹھی۔۔۔
بولے اکبر جو۔۔۔
میر سجاد یہ تھا آخری اکبر کا بیاں
جب مدینے میں تمہیں آے گی آواز اذاں
چھپ کے صغرا سے کہیں آنسوں بہانا اماں
میری روٹھی۔۔۔
بولے اکبر جو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.