Ay mere kadiyal jawan
Noha Lyrics & Urdu Writeup on Hazrat Ali Akbar (a.s) recited by Nasir Zaidi
اے میرے کڑیل جواں اے میرے کڑیل جواں
اے پسر نوجواں اے پسر نوجواں
پیٹ کے سر دشت میں نوحہ یہ کرتی تھی ماں
اے میرے کڑیل جواں اے میرے کڑیل جواں
تو ہی تھا میرا سکوں تجھ سے تھا آباد گھر
جاتے ہی تیرے میرا ہوگیا برباد گھر
دشت میں اب ڈھونڈنے تجھکو میں جاؤں کہاں
اے میرے کڑیل جواں۔۔۔
تو تھا کمای میری تو ہی تھا حاصل میرا
برچھی لگی ہے تجھے زخمی ہوا دل میرا
خون میرا دل سے بھی ہونے لگا ہے رواں
اے میرے کڑیل جواں۔۔۔
ظلم یہ کیسا ہوا ہاے سر کربلا
لٹ گیا اسباب سب چھن گیء سر سے ردا
روتا ہے اکبر تجھے خیموں سے اٹھتا دھواں
اے میرے کڑیل جواں۔۔۔
اشک بہاوں گی میں خاک اڑاؤں گی میں
روتی رہوں گی صدا سب کو رلاؤں گی میں
ہوگا لبوں پر میرے نوحہ تیرا ہی رواں
اے میرے کڑیل جواں۔۔۔
اے میرے نورِ نظر کھا گیء کس کی نظر
ہوگی بھلا کس طرح عمر میری اب بسر
روے گی اکبر تجھے جاے گی مادر جہاں
اے میرے کڑیل جواں۔۔۔
جب میں سنوں گی اذاں یاد تیری آے گی
خون ہر ایک گام پہ یاد یہ رلواے گی
دل میرا پھٹ جاے گا جب میں سنوں گی اذاں
اے میرے کڑیل جواں۔۔۔
کس طرح اب لوٹ کے جاؤں گی میں کربلا
کیا کہوں صغرا کو میں اتنا تو ماں کو بتا
غم تیرا صغرا سے میں کیسے کروں گی بیاں
اے میرے کڑیل جواں۔۔۔
گود کے پالے میرے پاس بلالے مجھے
ظلم و ستمگار سے آکے بچالے مجھے
باندھ رہے ہیں لعیں شانوں میں اب ریسماں
اے میرے کڑیل جواں۔۔۔
نور علی لب پہ ہے سب کے ہی آہ و بکا
چھای ہے چاروں طرف رنج و الم کی گھٹا
ناصر زیدی کرے کس طرح یہ غم بیاں
اے میرے کڑیل جواں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.