Basta ba zanjeer
Noha Lyrics & Urdu Writeup on Shaam recited by Shahid Baltistani
بستہ بہ زنجیر بستہ بہ زنجیر
جملہ یتیمہ ہاے
آہ حسینا شاہ شہیداں
بستہ بہ زنجیر جملہ یتیمہ
جلتے ہوے گھر لٹتی رداییں
کس کو صدا دے کس کو بلاییں
آہ حسینا۔۔۔
بستہ بہ زنجیر۔۔۔
اک زنجیر ستم بارہ اسیروں کے گلے
اس پہ یہ حکم کے ہر پیر و جواں تیز چلے
ای ستم ہاے حسینا
پشت پہ پڑتے رہے ساتھ دروں کے نشاں
آہ حسینا۔۔۔
بستہ بہ زنجیر۔۔۔
اک بیمار اسیروں کا جو سالار بنا
تھامے زنجیر ستم جانب دربار چلا
ای ستم ہاے حسینا
رویا شبیر کا سر بر سرِ نوکِ سِناں
آہ حسینا۔۔۔
بستہ بہ زنجیر۔۔۔
دھوپ سے پیار ہے ساے سے سروکار نہیں
کوی بانو کی طرح بیکس و غم خوار نہیں
ای ستم ہاے حسینا
کیسے اصغر کے بنا ساے میں جاے گی ماں
آہ حسینا۔۔۔
بستہ بہ زنجیر۔۔۔
ام لیلیٰ کا جگر ہو گیا پارہ پارہ
اس نے دیکھا ہے جواں لال کے دل میں نیزہ
ای ستم ہاے حسینا
منہ کو آتا ہے جگر سنتی ہے جب بھی اذاں
آہ حسینا۔۔۔
بستہ بہ زنجیر۔۔۔
ایک نوشاہ کی میت کے بہتر ٹکڑے
مادر قاسم مضطر کی نظر سے گزرے
ای ستم ہاے حسینا
سر کہاں جسم کہاں دل کہاں ہاتھ کہاں
آہ حسینا۔۔۔
بستہ بہ زنجیر۔۔۔
وہ جو لشکر کا علمدار تھا دشت شبیر
بر لب نہر لکھی جس نے وفا کی تحریر
ای ستم ہاے حسینا
وہ نہیں ہے تو نہیں اب میرے جسم میں جاں
آہ حسینا۔۔۔
بستہ بہ زنجیر۔۔۔
کان زخمی ہے گلا خشک جلا ہے دامن
سانس لینے نہیں دیتی ہے سکینہ کو رسن
ای ستم ہاے حسینا
نیند آتی ہے اسے وہ مگر سوے کہاں
آہ حسینا۔۔۔
بستہ بہ زنجیر۔۔۔
بے ردائی کی اذیت کو اٹھانے والے
ہاے وہ آل محمد کے گھرانے والے
ای ستم ہاے حسینا
اپنے اس حال پہ بھی کر نہیں پاے فغاں
آہ حسینا۔۔۔
بستہ بہ زنجیر۔۔۔
نوحہ ریحان اسیروں کی زباں میں لکھ کر
اس قدر رویا قلم ہو گیا قرطاس بھی تر
اے میری جان حسینا
فرش مجلس پہ ہوے قلب و جاں نوحہ کناں
آہ حسینا۔۔۔
بستہ بہ زنجیر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.