Bano ki sada thi
Noha Lyrics & Urdu Writeup on Shaam recited by Tableegh e Imamia
بانو کی صدا تھی یہی فریاد ہے فریاد
اے سیدِ سجاد
کیا ہونگے نہ ہم قیدِ ستم سے کبھی آزاد
اے سیدِ سجاد
اک روز میں تاراج ہوا میرا بھرا گھر
کیسا تھا مقدر
سوچا بھی نہ تھا ہوں گے ہم اس طرح سے برباد
اے سیدِ سجاد
بانو کی صدا تھی یہی۔۔۔
چھ ماہ کے بے شیر کی وہ تشنہ دہانی
پایا نہیں پانی
کیا کیا نہ ہوئے بالی سکینہ پہ بھی بے داد
اے سیدِ سجاد
بانو کی صدا تھی یہی۔۔۔
ھل مِن کی صدا شاہ نے دی رن میں کئی بار
کوئی نہ تھا غم خوار
خنجر سے ذبح کرتا رہا شاہ کو جلاد
اے سیدِ سجاد
بانو کی صدا تھی یہی۔۔۔
مارے گئے عباسِ علمدار ہمارے
دریا کے کنارے
کھا کر سِناں دُنیا سے گئے اکبر ِ ناشاد
اے سیدِ سجاد
بانو کی صدا تھی یہی۔۔۔
اعدائ سے کہو چاہے میری جان بھی لے لیں
چادر میری دے دیں
بے پردہ پھرائے نہ ہمیں یہ ستم ایجاد
اے سیدِ سجاد
بانو کی صدا تھی یہی۔۔۔
ہم قید سے چھُوٹیں گے وطن جائیں گے کیونکر
اکبر ہے نہ اصغر
اب وہ کہاں صُغریٰ جنہے کرتی ہے بہت یاد
اے سیدِ سجاد
بانو کی صدا تھی یہی۔۔۔
نوحہ ہو میرا اور درِ شاہِ ھُدیٰ ہو
ناظم کی صدا ہو
محشر کا کلام بن گیا ہے آپ کی فریاد
اے سیدِ سجاد
بانو کی صدا تھی یہی۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.