Akbar mein naiza
Noha Lyrics & Urdu Writeup on Hazrat Ali Akbar (a.s) recited by Mir Rehan Abbas
رہ گیا جب سینۂ اکبر میں نیزہ دیر تک
موت سے لڑتا رہا لیلیٰ کا بیٹا دیر تک
ساتھ میں نور نظر کے نور نظروں کا گیا
ٹھوکریں کھاتے رہے مقتل میں مولا دیر تک
رہ گیا جب سینۂ اکبر۔۔۔
سینۂ اکبر سے کھینچا شہ نے کہہ کر یا علی
دل میں الجھا جب نکل پایا نہ نیزہ دیر تک
رہ گیا جب سینۂ اکبر۔۔۔
ساتھ میں برچی کے نکلا جب علی اکبر کا دل
بن کے آنسوں خونِ دل آنکھوں سے نکلا دیر تک
رہ گیا جب سینۂ اکبر۔۔۔
جب رگڑ کر ایڑیاں بے جان اکبر ہو گےء
شہ کی آنکھوں میں رہا چھایا اندھیرا دیر تک
رہ گیا جب سینۂ اکبر۔۔۔
اٹھ نہ پائی جب ضعیفی میں جواں بیٹے کی لاش
اپنی مظلومی پہ روے ابنِ زہرا دیر تک
رہ گیا جب سینۂ اکبر۔۔۔
لے کے شہ کچھ دور آگے بڑھ گےء پھر رکھ دیا
جب نہ سنبھلا نوجواں بیٹے کا لاشہ دیر تک
رہ گیا جب سینۂ اکبر۔۔۔
لے کے بوڑھا باپ جب آیا جواں بیٹے کی لاش
خیمہء شہ میں ہوا کہرام برپا دیر تک
رہ گیا جب سینۂ اکبر۔۔۔
کیسے لے جاے جواں کی لاش ماں کے سامنے
یاس سے دیکھا کیےء شہ سوے خیمہ دیر تک
رہ گیا جب سینۂ اکبر۔۔۔
عالم غربت میں شہ کو جب خط صغرا ملا
شاہ دیں دیکھا کیےء تحریر صغرا دیر تک
رہ گیا جب سینۂ اکبر۔۔۔
میت اکبر پہ ماں نے یوں ظفر گریہ کیا
سلسلہ رونے رلانے کا نہ ٹوٹا دیر تک
رہ گیا جب سینۂ اکبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.