Aao akbar sehra
Noha Lyrics & Urdu Writeup on Hazrat Ali Akbar (a.s) recited by Nadeem Sarwar
آؤ اکبر سہرا باندھو
کوئی مسند لا کے بچھاؤ
کوئی آنچل سر پہ چھاؤ
کوئی کاجل سرمہ لاؤ
کوئی مہندی رنگ رچاؤ
آؤ اکبرسہرا۔۔۔
میرا لال صدا آباد رہے
دل ماں بہنوں کا شاد رہے
سکھی جگ جگ یہ اولاد رہے
میرے من کی پوری مراد رہے
کوئی ناد علی دہراؤ
پوشاک شہانی لاؤ
آؤ اکبر صحرا۔۔۔
کوئی چادر اماں زہرا کی
کوئی پگڑی لاؤ نانا کی
چلو بہنوں آؤ اکبر کی
اکبر کے لگاؤ اب مہندی
پھولوں کی سیج سجاؤ
یہ بام و در مہکاو
آؤ اکبر سہرا۔۔۔
پھولوں کو آب کوثر سے
دھلوا کے بوذر و قمبر سے
یہ صحرا لگانا تب سر سے
جب ابر نجف سے آ برسے
عباس کا پرچم لاؤ
سائے میں اس کو بٹھاؤ
آؤ اکبر سہرا۔۔۔
کوئی صغرا کو پیغام یہ دو
اکبر کی بہن تم شاد رہو
آنے کی سکت ہو تو آؤ
اور نیگ تم اپنا لے جاؤ
بھیا کے گلے لگ جاؤ
گھونگھٹ دلہن کا اٹھاؤ
آؤ اکبر سہرا۔۔۔
کہتی ہے سکینہ خوش ہو کر
دولہا جو بنے بھیا اکبر
میں نیگ میں مانگوں گی گوہر
سر رکھ کے ان کے سینے پر
حق میرا مجھے دلواو
مجھے بندے نئے پہناؤ
آؤ اکبر سہرا۔۔۔
ناگاہ یہ دی ہاتف نے صدا
یہ ظلم ہوا ام لیلیٰ
سینے میں لگا اس کے نیزہ
ارمان تھا جس کی شادی کا
اکبر کو کفن پہناؤ
زخموں سے خاک چھڑاؤ
آؤ اکبر سہرا۔۔۔
برچھی ہے کلیجے میں ٹوٹی
ہاتھوں میں لگی خوں کی مہندی
سو ٹکڑے ہوی سہرے کی لڑی
سرور پہ قیامت کی ہے گھڑی
زینب کو ہوش میں لاؤ
لو فرش عزا کا بچھاؤ
آؤ اکبر سہرا۔۔۔
دو قاصد صغرا کو یہ خبر
صغرا کو بتائے وہ جا کر
اکبر تو گئے سوئے کوثر
کیا تکتی ہے صغرا راہ گزر
مت ان سے آس لگاؤ
اب فاتحہ ان کی دلاؤ
آؤ اکبر سہرا۔۔۔
ریحان تجھے اکبر کی قسم
مت روک ابھی تو اپنا قلم
وہ بات تجھے کرنا ہے رقم
غم أہل عزا کا جس سے ہو کم
اکبر کا سہرا سناؤ
خود تڑپو اور تڑپاو
آؤ اکبر سہرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.