Aaja akbar

ارمان یہی ہوتا ہے بیٹے کے لئے مادر کا اک چاند سی دلہن آئے بن جائے نصیب اس گھر کا سوچا تھا یہ صغرا نے مہندی رچاؤں گی آجا اکبر تیرے سر پہ سہرا سجاؤں گی ہائے اکبر ہائے ہائے اکبر

میں یاد تجھے کرتی ہوں چہرہ اشکوں سے دھو کر دن رات تڑپتی ہوں میں تیری یاد میں بیٹا رو کر اک کرب مسلسل ہے دل میں یہ درد جو ہر پل ہے دل میں تو نہ آیا تو تیری قسم مر جاؤں گی آجا ہائے اکبر ہائے ہائے اکبر

ارمان یہی ہوتا ہے بیٹے کے لئے مادر کا اک چاند سی دلہن آئے بن جائے نصیب اس گھر کا

اشکوں سے بناؤں گی سہرا تیرے سر پہ سجاؤں گی سہرا سوچا تھا یہ صغرا نے مہندی رچاؤں گی آجا ہائے اکبر ہائے ہائے اکبر

خود تجھکو بنائے دولہا جنت سے حیدر آ کر مسند بھی سجائے تیری سلمان و ابوذر آ کر جنت سے گل تر منگواوں یوں سیج عروسی بنواوں جتنے ارمان دل میں ہے وہ دکھلاؤں گی آجا ہائے اکبر ہائے ہائے اکبر

نبیوں کی قطاریں ہونگی اور آگے محمد ہونگے رضوان پڑھے گا سہرا بہنوں کو نیگ ملیں گے جنّت میں چراغاں بھی ہوگا جس وقت بنے گا تو دولہا پھولوں سے میں یہ سارا جہاں مہکاوں گی آجا ہائے اکبر ہائے ہائے اکبر

خیمے میں جو آیا لاشہ ہمشکل پیمبر تیرا امیدیں مٹی مادر کی حسرت کا جنازہ نکلا اس دل پہ ستم ہے فرقت کا کچھ دوش ہے میری قسمت کا بتلا مجھکو گھر کیسے لوٹ کے جاؤں گی آجا ہائے اکبر ہائے ہائے اکبر

فرحان بیاں اس غم کا لفظوں میں نہیں ہو سکتا فریاد ہے یہ مادر کی مظہر نے لکھا جو نوحہ کہتی تھی یہی رو کر مادر ماں تجھ پہ فدا آجا اکبر حاصل کیا پھر میں قبر میں جب سو جاؤں گی آجا ہائے اکبر ہائے ہائے اکبر