Tujhe jhoola jhulaun
Noha Lyrics & Urdu Writeup on Hazrat Ali Asghar (a.s) recited by Hasan Sadiq
تجھے جھُولا جھُلائوں میں تجھے جھُولا جھُلائوں
میں خواب میں اصغر تجھے لوری بھی سُنائوں
لوٹ آئو سفر سے کہ بڑی دیر ہوئی ہے
بیتاب ہوں کب سے تجھے سینے سے لگائوں
تجھے جھُولا جھُلائوں ۔۔۔
کوئی مجھے بتلاتا نہیں تیری نشانی
برسات میں تیروں کی کہاں ڈھونڈنے جائوں
تجھے جھُولا جھُلائوں ۔۔۔
سوچا تھا تیری سالگرہ ہر میں کروں گی
تقدیر یہ کہتی ہے تیرا سوگ منائوں
تجھے جھُولا جھُلائوں ۔۔۔
بابا سے تیرے تیراجنازہ نہ اُٹھے گا
رُک جا ذرا عباس کو دریا سے بلائوں
تجھے جھُولا جھُلائوں ۔۔۔
یہ خون بھرا کُرتا یہ مٹی میں بھرے بال
سینے میں چھُپائوں کہ میں آنکھوں سے لگائوں
تجھے جھُولا جھُلائوں ۔۔۔
اس طرح کوئی روٹھ کے ماں سے نہیں جاتا
تُو خود ہی بتا دے میں تجھے کیسے منائوں
تجھے جھُولا جھُلائوں ۔۔۔
ریحان کے نوحے پہ صدا بانو کی آئی
میں آنکھوں سے اشکوں کے سمندر کو بہائوں
تجھے جھُولا جھُلائوں ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.