Hurmula ke teer ka
Noha Lyrics & Urdu Writeup on Hazrat Ali Asghar (a.s) recited by Kumayl Abbas
کس قدر تھا وزن آخر حُرملا کے تیر کا
زخم ہے تازہ ابھی تک گردنِ بے شیر کا
ضبطِ غم سے زرد ہے چہرہ شہ دلگیر کا
سامنا کیسے کریں گے مادرِ بے شیر کا
کس قدر تھا وزن۔۔۔
باپ کے ہاتھوں پہ بچہ ذبح ہو کر رہ گیا
کام قاتل نے لیا ہے تیر سے شمشیر کا
کس قدر تھا وزن۔۔۔
سوکھ جا نا چاہیئے تا حشرتجھ کو اے فرات
چند قطروں پر تیرے کیا حق نہ تھا بے شیر کا
کس قدر تھا وزن۔۔۔
گود بھی ویران ہے اور مانگ بھی اُجڑی تیری
صبر کر بانو کے یہ سب کھیل ہے تقدیر کا
کس قدر تھا وزن۔۔۔
خشک ہونٹوں کے تبسم کا یہ اک اعجاز ہے
دھجیاں ہو کر بکھرنا شام کی تصویر کا
کس قدر تھا وزن۔۔۔
باپ کی تلوار سے بیٹے کی مرقد کھودنا
کربلا میں سب سے مشکل کام ہے شبیر کا
کس قدر تھا وزن۔۔۔
کیوں کسی کی گود میں اصغر نظر آتا نہیں
خوف سے لرزا ہے دل شاہد کسی ہمشیر کا
کس قدر تھا وزن۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.