Ay mere dilo jaan
Noha Lyrics & Urdu Writeup on Hazrat Ali Asghar (a.s) recited by Ameer Hasan Aamir
اے میرے دل و جان علی اصغر علی اصغر
ماں تجھ پہ ہو قربان علی اصغر علی اصغر
دیتی میں کفن تجھکو ردا سر پہ جو ہوتی
مل جاتا جو پانی تو تیرے زخم کو دھوتی
ہوں بے سر و سامان علی اصغر علی اصغر
اے میرے دل و جان۔۔۔
دیکھو تو سر شام غریباں میری غربت
جھلسا ہوا جھولا ہے تو اجڑی ہوئی تربت
اجڑا ہے گلستان علی اصغر علی اصغر
اے میرے دل و جان۔۔۔
نوحوں کی صداؤں میں بدل بھی چکی لوری
جھولا ہی سلامت ہے نہ اب جھولے کی ڈوری
گودی بھی ہے ویراں علی اصغر علی اصغر
اے میرے دل و جان۔۔۔
وہ نیند سے اور دھوپ سے جلتی ہوئی آنکھیں
یاد آتی ہے وہ اشک اگلتی ہوی آنکھیں
ممتا ہے پریشان علی اصغر علی اصغر
اے میرے دل و جان۔۔۔
جس تیر نے چھیدی تھی تیری پھول سی گردن
ماں کیسے بتائیں بھلا اس تیر کی الجھن
سینے میں ہے پیکاں علی اصغر علی اصغر
اے میرے دل و جان۔۔۔
حسرت تھی کے باندھوں میں تیرے ماتھے پہ سہرا
اور سہرے میں دیکھوں تیرا ہنستا ہوا چہرہ
اجڑے میرے ارماں علی اصغر علی اصغر
اے میرے دل و جان۔۔۔
آ باندھوں تیرے ننھے سے سر پہ میں عمامہ
اور چوموں تیرا پھول سا منہ چاند سا ماتھا
ہنستے ہوئے قرآں علی اصغر علی اصغر
اے میرے دل و جان۔۔۔
بس ریت ہے مقتل کی نہ تکیہ نہ بچھونا
اب حشر تلک تجھ کو اسی بن میں ہے سونا
ماں جاتی ہے زنداں علی اصغر علی اصغر
اے میرے دل و جان۔۔۔
تھا شام غریباں کا دھواں عامر و نیر
خاک اجڑے ہوئے جھولے کی بکھری تھی جہاں پر
کہتی تھی وہی ماں علی اصغر علی اصغر
اے میرے دل و جان۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.