Ay maarkae quwwate
Noha Lyrics & Urdu Writeup on Hazrat Ali Asghar (a.s) recited by Nasir Jahan
اے معرکہء قوت اسلام کے جوہر
چھ ماہ کی مدت میں قیامت کے برابر
ننھے سے مجاہد علی اصغر علی اصغر
مقصد تھا ولادت کا فقط کار شہادت
یہ بات ہوی اور کسی کو نہ میسر
یکتا ہے تیری خون میں ڈوبی ہوی تصویر
تاریخ دکھاتی نہیں ایسا کوئی منظر
ننھے سے مجاہد علی اصغر۔۔۔
بابا کے سب انداز ہیں دادا کے تریقے
نیند آ گئ ریتی پہ نہ تکیہ ہے نہ بستر
الجھے ہوا بالوں پہ فدا شام شب غم
ڈوبی ہوی نفسوں پہ ستاروں کی نچھاور
ننھے سے مجاہد علی اصغر۔۔۔
ڈھلکی ہوی گردن پہ یداللہ کے بوسے
سوکھے ہوے ہاتھوں پہ تصدق لب کوثر
چتواں میں چھپاے ہوے اکبر کی جوانی
مٹھی میں دباے ہوے سجاد کے جوہر
ننھے سے مجاہد علی اصغر۔۔۔
آنکھوں میں چھلکتا ہوا معصوم تبسم
گردن سے ٹپکتا ہوا خونِ دلِ مادر
تاریخ میں ہے سب تیرے بچپن کا سلیقہ
تو موت کی آغوش میں آیا تھا ہمک کر
ننھے سے مجاہد علی اصغر۔۔۔
جس وقت ہوی مہر تیرے زخم گلو کی
پورا ہوا شبیر کے ایثار کا دفتر
آرام سے سو اے شب عاشور کے جاگے
لوری تجھے دیتا ہے تیرے نجم سخنور
ننھے سے مجاہد علی اصغر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.