Ab kisko teri madar
Noha Lyrics & Urdu Writeup on Hazrat Ali Asghar (a.s) recited by Anj. Masoomeen
اب کس کو تیری مادر لوری سناے اصغر
راتوں کو اٹھ کے کس کا جھولا جھلاے اصغر
شدت کی تشنگی میں جھولے سے رن میں جا کر
دست پدر پہ رن میں خوں میں نہاے اصغر
اب کس کو تیری مادر۔۔۔
نصرت میں دین حق کی گردن پہ تیر کھا کر
ویران کر کے گودی جنگل بساے اصغر
اب کس کو تیری مادر۔۔۔
مادر غریب دکھیا کس کو جھلاے جھولا
چھوٹے سے یہ شلوکے کس کو پنہاے اصغر
اب کس کو تیری مادر۔۔۔
ایک بار اپنی ماں کی گودی میں چلے آؤ
حسرت ہے تم کو مادر ایک پل سلاے اصغر
اب کس کو تیری مادر۔۔۔
آنسوں چھڑک کے بولے تربت پہ تیری سرور
جی بھر کے مجھکو اعدا رن میں رلاے اصغر
اب کس کو تیری مادر۔۔۔
جس دن سے ماں نے دیکھا نیزے پہ سر تمہارا
حالت پہ تیری رو کر کہتی ہے ہاے اصغر
اب کس کو تیری مادر۔۔۔
تھی التجاء صابر ماتم ہو تیرا گھر گھر
جھولا اٹھے جو تیرا سب خوں بہاے اصغر
اب کس کو تیری مادر۔۔۔
بیٹا یہ انجمن ہے ماتم سرا تمہاری
سر تا قدم جو سارے خوں میں نہائے اصغر
اب کس کو تیری مادر۔۔۔
محشر میں وہ یقیناً جنت میں ہونگے مظہر
دنیا میں جو تمہارا جھولا اٹھاے اصغر
اب کس کو تیری مادر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.