Aa ali asghar
Noha Lyrics & Urdu Writeup on Hazrat Ali Asghar (a.s) recited by Nadeem Sarwar
آ علی اصغر آ علی اصغر
تُجھ کو جو پائوں اے میرے اصغر
جھولا جھلاوں آمیرے اصغر
جھولا جھلاوں لوری سناؤں
دودھ پِلاوں آمیرے اصغر
میرے مجاہد میرے سپاہی
ختم ہوئی میداں میں لڑائی
گھر کو سدھارو ماں کو پکارو
میں چین پاوں آمیرے اصغر
تجھ کو جو پاوں ۔۔۔
یاد آرہی ہیں معصوم باتیں
دن بے سکوں ہے بے چین راتیں
جی نہ سکوں گی روتی رہوں
آنسو بہاوں آمیرے اصغر
تجھ کو جو پائوں ۔۔۔
پوچھ رہی ہے بالی سکینہ
کیوں نہیں آیا لوٹ کے بھیا
تُوہی بتادے میداں سے آکے
میں کیا بتاؤں آمیرے اصغر
تجھ کو جو پائوں ۔۔۔
پھیلے ہوئے ہیں شام کے سائے
اب تو پرندے بھی لوٹ آئے
میں روہی ہوں جاں کھو رہی ہوں
تجھ کو سُلاوں آمیرے اصغر
تجھ کو جو پاوں ۔۔۔
زخمی گلا اور پیاس کی شدت
ہوتی تو ہوگی ماں کی ضرورت
تُو جو پکارے دل کے سہارے
میں دوڑی آوں آمیرے اصغر
تجھ کو جو پاوں ۔۔۔
محسوس مجھ کو یہ ہورہا ہے
جیسے کے جھولا بھی رورہا ہے
اے میرے بیٹا یہ روتا جھولا
کیسے جھلاوں آمیرے اصغر
تجھ کو جو پاوں ۔۔۔
پیاس بُجھانے نہر کنارے
جب سے گئے ہو اے میرے پیارے
دھڑکا لگا ہے دل ڈوبتا ہے
پلکیں بچھاوں آمیرے اصغر
تجھ کو جو پاوں ۔۔۔
مقتل سے آئی کیسی خبر ہے
کُرتا لہو سے سب تیرا تر ہے
تیر لگا ہے زخمی گلا ہے
میں مر نہ جاؤں آمیرے اصغر
تجھ کو جو پاوں ۔۔۔
ریحان و سرور بانو کے لب پر
ایک صدا تھی اے میرے اصغر
سُونا ہے جنگل ہے غم کا بادل
تُجھ کو چھپاوں آمیرے اصغر
تجھ کو جو پاوں ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.