Allah ye kaisa manzar

یہ کون سی مستورہ ہے کیا مانگ رہی ہے اسلام کی خدمت کا صِلا مانگ رہی ہے ہر صاحبِ غیرت سے ردا مانگ رہی ہے پردیس میں مرنے کی دُعا مانگ رہی ہے افسردہ ہے افلاک سیاہ پوش زمیں ہے جبریل زرا دیکھ یہ زینب تو نہیں ہے

اللہ یہ کیسا منظر ہے بے پردہ شامیوں میں اولادِپیمبرہے اللہ یہ کیسا منظر ہے

ندا دے رہا ہے یہ ہنس کر منادی اے لوگوں گھرو ں سے نکل آو جلدی سزا ئیں دو ان کو یہ باغی ہیں باغی بجتے ہیں شادیانے ہر ہاتھ میں پتھر ہے اللہ یہ کیسا ۔۔۔

کہاں خوف کھاتا ہے ظالم کسی سے بُلاتا ہے اک اک کو وہ نام لیکے ہر اک بی بی چھپتی ہے زینب کے پیچھے خود کو چھپائے زینب فضہ کی پشت پر ہے اللہ یہ کیسا ۔۔۔

بتاتا ہے شمر آ کے خود شامیوں کو کہ کاٹا ہے میں نے اسی سے سروں کو دکھاتا ہے لہرا کے پھر بیبیوں کو ہاتھوں میں اُس شقی کے اک خوں بھرا خنجر ہے اللہ یہ کیسا ۔۔۔

ہوا ہے اثر اتنا بینائیوں پر عجب کشمکش میں ہے اصغر کی مادر ہر اک نیزہ بردار کہ پاس جاکر رو رو کے پوچھتی ہے کیایہ میرا اصغر ہے اللہ یہ کیسا ۔۔۔

اسیروں پہ کیسی مصیبت بنی ہے ہر اک بی بی بازار میں ڈھوندتی ہے سکینہ کہیں بھیڑ میں کھو گئی ہے محشر سے پہلے برپا بازار میں محشر ہے اللہ یہ کیسا ۔۔۔

قیامت میں کیسی قیامت ہے برپا تکلم ہے گودی میں اصغر کا لاشہ عدالت میں خالق کی آتی ہیں زہرا نظریں جھکی ہیں سب کی نبیوں کے لبوں پر ہے اللہ یہ کیسا ۔۔۔