Wa hassan sabz qaba
Noha Lyrics & Urdu Writeup on Hazrat Qasim (a.s) recited by Farhan Ali Waris
ہاے وہ بے کسی
مقتل سے آیا لاشہء قاسم
بھائی حسن کی یاد ستانے لگی
زینب نے روکے لاشہء قاسم پہ کی بکا
وا حسن سبز قبا بے خطا قاسما
کل تیرا جگر ٹکڑوں میں بٹا تھا
آج تیرا قاسم ٹکڑوں میں بٹ گیا
وا حسن سبز قبا۔۔۔
دنیا نے تجھکو چین سے رہنے نہیں دیا
تجھکو زہر دیا یہ ستم ختم نہ ہوا
یہ ظلم چلتے چلتے قاسم تک آگیا
وا حسن سبز قبا۔۔۔
امت نے تیرے ساتھ بڑا ظلم یہ کیا
ٹکڑے ہوا کلیجہ تیرا وا مصیبتا
مقتل میں تیرا قاسم ٹکڑوں میں بٹ گیا
وا حسن سبز قبا۔۔۔
تھا چاند فاطمہ کا ستم کی گھٹاؤں میں
گھر سے چلا جنازہ تو تیروں کی چھاؤں میں
قاسم کا لاشہ دھوپ میں پامال ہوگیا
وا حسن سبز قبا۔۔۔
تجھ پر سلام اے میرے مظلوم تر اخی
قاسم کی تربیت میں کمی کوئی نہ رکھی
اکبر سے پہلے شہ پہ قربان ہوگیا
وا حسن سبز قبا۔۔۔
لیکن تجھے کفن تو میسر تھا بھائی جاں
قاسم تو بے کفن ہی گیا چھوڑ کر جہاں
کیونکر نہ میرے لب پر ہر دم ہو یہ بکا
وا حسن سبز قبا۔۔۔
اذن وغا حسین سے جب مل نہیں سکا
تعویذ تیرا ساتھ میں وہ لایا مہ لقا
دل تھام کر حسین نے بے ساختہ کہا
وا حسن سبز قبا۔۔۔
پیوست جتنے تیر تھے تابوت میں تیرے
اتنے ہی زخم قاسم دلگیر کو لگے
فروا کے لب پہ آیا اس غم سے مرثیہ
وا حسن سبز قبا۔۔۔
زینب نے روکے مظہر و فرحان یہ کہا
بھائی حسن کا داغ جدائی ہرا ہوا
اہل حرم نے لاشہء قاسم پہ کی بکا
وا حسن سبز قبا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.