Bhai ko bhai yaad

تعویذ حسن جب قاسم نے شبیر کو دکھلایا بھائی کو بھائی یاد آیا

خط بھائی کا پڑھ کر روئے دل درد سے تھرایا بھائی کو بھائی یاد آیا

اک پل کے لئے نظروں میں پھرا بھائی کی شہادت کا منظر کیا بین کئے تھے بہنوں نے تھا طشت میں ٹکڑے ٹکڑے جگر قاسم کا کہیں یہ حال نہ ہو اس بات نے تڑپایا بھائی کو بھائی یاد آیا تعویذ حسن جب۔۔۔

تحریر میں شبر نے یہ کہا تسکین محبت دے دینا مقتل کی اجازت جب مانگے قاسم کو اجازت دے دینا تب نوحہ کیا اور قاسم کو سینے سے لپٹایا بھائی کو بھائی یاد آیا تعویذ حسن جب۔۔۔

خط پڑھ کے اجازت دی شہ نے ہتھیار سجائے قاسم نے تلوار لگا کر پٹکے میں جوہر وہ دکھائے قاسم نے صدقہ جو اتارا زینب نے دل شاہ کا بھر آیا

گھوڑے سے گرا جب ابنِ حسن مولا کو پکارا واویلا پہنچے جو شہ دیں مقتل میں پامال بدن تھا قاسم کا بھائی کے پسر کو مولا نے اس حال میں جب پایا بھائی کو بھائی یاد آیا تعویذ حسن جب۔۔۔

پھر اپنی عبا کے دامن میں قاسم کو سمیٹا مولا نے کس طرح اٹھاؤں یہ لاشہ غازی کو پکارا مولا نے قاسم کا سراپا ٹکڑوں میں تقدیر نے دکھلایا بھائی کو بھائی یاد آیا تعویذ حسن جب بھائی کو بھائی یاد۔۔

خیمے میں جونہی لائے لاشہ سر أہل حرم نے پیٹ لیا فضہ نے کلیجہ تھام لیا زینب کے لبوں پر نوحہ تھا فروہ کی طرف دیکھا شہ نے آنکھوں میں لہو آیا بھائی کو بھائی یاد آیا تعویذ حسن جب۔۔۔

میثم وہ قیامت کا منظر تحریر میں لایا ہے مظہر گھٹری کو جونہی کھولا شہ نے سادات ہوئے پھر خاک بسر اشکوں کو علی کا بیٹا بھی تب روک نہیں پایا بھائی کو بھاثی یاد آیا تعویذ حسن جب۔۔۔