Abbas ki behnein
Noha Lyrics & Urdu Writeup on Shaam recited by Rizwan Zaidi
کھا گیا شہزادیوں کو غم اسی احساس کا
ہاے تھا رہوار کی گردن میں سر عباس کا
کہاں ناپاک نظریں اور کہاں عباس کی بہنیں
پریشاں ہے علی کی بیٹیاں عباس کی بہنیں
اسی خاطر تھا سر رہوار کی گردن میں غازی کا
کہ دیکھے نہ سر نوکِ سِناں عباس کی بہنیں
کہاں ناپاک نظریں۔۔۔
اسیری بے ردائی شام کے بازار کا عالم
نہ جانے دیگی کتنے امتحان عباس کی بہنیں
کہاں ناپاک نظریں۔۔۔
کھڑی ہے باب ساعت پر نہ جانے کتنے پہروں سے
مسلمانوں تمہارے درمیاں عباس کی بہنیں
کہاں ناپاک نظریں۔۔۔
تلاوت کر رہی ہے خون میں ڈوبی ہوی آنکھیں
سنے گی کیسے ننگے سر اذاں عباس کی بہنیں
کہاں ناپاک نظریں۔۔۔
کھجوریں پھینکتے ہیں لوگ صدقے کی اسیروں پہ
کرے کس سے مصیبت یہ بیاں عباس کی بہنیں
کہاں ناپاک نظریں۔۔۔
کھڑی ہے سر چھپاے پتھروں کی تیز بارش میں
شہیدوں کے سروں کے درمیاں عباس کی بہنیں
کہاں ناپاک نظریں۔۔۔
کھلے سر جس نجس ماحول سے ہو آی لوگوں
رہیں گی اب صدا گریہ کناں عباس کی بہنیں
کہاں ناپاک نظریں۔۔۔
چلی ہے معرکہ سر شام کا کرنے غریبی میں
بندھاے بازوؤں میں رسیاں عباس کی بہنیں
کہاں ناپاک نظریں۔۔۔
دکھا کر نیل بولی بیٹیاں زہرا کے مرقد پر
اجڑ کے آی ہے گھر دیکھ ماں عباس کی بہنیں
کہاں ناپاک نظریں۔۔۔
چھپاےنگے بھلا اب مادر عباس سے کیسے
یہ دروں کی اذیت کے نشاں عباس کی بہنیں
کہاں ناپاک نظریں۔۔۔
بیاں رضوان و مظہر ہو نہیں سکتی قیامت تک
غموں کی ہے مجسم داستاں عباس کی بہنیں
کہاں ناپاک نظریں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.