Sar peeto momino
Noha Lyrics & Urdu Writeup on Imam Ali (a.s) recited by Others
سر پیٹو مومنوں کہ یہ ضربت کی رات ہے
داماد شاہ دیں کی شہادت کی رات ہے
کہتے ہیں دل سے حیدر صفدر بصد الم
یہ آخری خدا کی عبادت کی رات ہے
سر پیٹو مومنوں کہ۔۔۔
سجدے میں حق کے خاصہء داور ہوا شہید
آفت بپا کرو یہ قیامت کی رات ہے
سر پیٹو مومنوں کہ۔۔۔
دار فنا سے حیدر کرّار اٹھ گےء
اہلِ حرم پہ آج مصیبت کی رات ہے
سر پیٹو مومنوں کہ۔۔۔
کہتے تھے روکے زینب و کلثوم سے علی
آؤ گلے لگو کہ یہ فرقت کی رات ہے
سر پیٹو مومنوں کہ۔۔۔
رو رو کے دل سے کہتے تھے سبطین مصطفیٰ
کیوں کر کٹے گی ہاے مصیبت کی رات ہے
سر پیٹو مومنوں کہ۔۔۔
پرسہ دو مصطفیٰ کے نواسوں کو باپ کا
سر پیٹو روزہ دار یہ آفت کی رات ہے
سر پیٹو مومنوں کہ۔۔۔
مولا نبی کی آل سے شوکت کے عشق کی
دیجیےء گواہی آپ شہادت کی رات ہے
سر پیٹو مومنوں کہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.