Haye namazi
Noha Lyrics & Urdu Writeup on Imam Ali (a.s) recited by Mir Arif Ali
اک شور اٹھا ہاے نمازی
ہے قتل ہوا ہاے نمازی
یہ شیر خدا نفس خدا نفس نبی ہے
یہ علم عبادت میں شجاعت میں دھنی ہے
احمد کا برادر ہے یہ خالق کا ولی ہے
کونین میں سب کے لئے بس ایک علی ہے
مولا علی مولا علی مولا علی مولا علی
احمد کا مددگار ہے عمران کا جانی
یہ علم کا دریا ہے بڑی جسکی گرانی
اب تک نہ ہوا اس کا کوئی دنیا میں ثانی
کردے گا اشارے سے وہ پتھر کو بھی پانی
مولا علی مولا علی مولا علی مولا علی
رمضاں میں ستمگر نے نمازی کو ہے مارا
تلوار لگی فرق پہ اور وہ ہے دو پارہ
اللّٰہ کا گھر سرخ ہوا خون سے سارا
ہلنے لگا اس غم سے ہر ایک عرش کا تارا
مولا علی مولا علی مولا علی مولا علی
کہنے لگے سر تھام کے یہ حیدر صفدر
فزت و بے رب کعبہ میرے مالک و داور
حسنین علی کو جو اٹھا لے کے گےء گھر
سر پیٹتی تھی زینب و کلثوم تڑپ کر
مولا علی مولا علی مولا علی مولا علی
حیدر کی بدلنے لگی کچھ اس طرح حالت
اس وقت بلا کر کیا بچوں کو وصیت
دیں کے لئے سہنا ہے تمہیں رنج و مصیبت
پھر ہونے لگے آج کے دن سب سے وہ رخصت
مولا علی مولا علی مولا علی مولا علی
کرتی تھی یہ رو رو کے بیاں ثانیء زہرا
بن ماں کے تو پہلے سے ہی میں ہو چکی دکھیا
اب سر سے پدر آپ کا بھی اٹھتا ہے سایہ
بتلاؤ کہاں پاؤں گی میں آپ کو بابا
مولا علی مولا علی مولا علی مولا علی
اک شور تھا کونین کا سردار سدھارا
سب اہلِ عزا کہتے تھے غمخوار سدھارا
ہم سارے غریبوں کا مددگار سدھارا
آی یہ ندا حیدر کرّار سدھارا
مولا علی مولا علی مولا علی مولا علی
اب تک نہ رکا ذکر علی ہوتا ہے پیہم
اکیسویں رمضاں کو یہ اٹھتا ہے یہ پرچم
ہو جاتی ہے اس غم میں ہر آنکھ بھی پرنم
عارف بھی بابر کرتے ہیں جب نوحہ و ماتم
مولا علی مولا علی مولا علی مولا علی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.